"MUKHANG naguguluhan ka pa rin, wifey?" Pukaw ni Santiago sa asawang halata namang hindi pa naka-move on sa nangyari o ang usapang pag-iisang dibdib ng pamangkin niya sa ama ng dinadala o ang step-son ng Ate Bianca nila o si Thirdy Guevarra.
"Actually, yes, Santino ko. Sa imahe ng mga tao ay magpinsan silang dalawa. Ngunit---"
Maaring hindi nito maapuhap ang nais idugtong kayat kusa itong napatigil. Kaya naman ay hinarap niya ito saka hinawakan ang magkabilang palad.
"Mi Amore, hindi ko alam kung naikuwento ko na ang tungkol dito sa iyo. Hindi si Daddy ang unang pag-ibig ni Mommy kundi si Uncle Zack Joseph na pinsan ni Daddy sa ikalawang henerasyon. Maaring nagtataka ka kung ano ang koneksyon nito ngunit malaki. Dati itong military general na nagsimula sa captaincy kung saan nakilala at
