The truth behind secrets...
"CARA! CARA!" malakas na tawag ni Judah pero hindi tumigil sa paglalakad si Cara. Lalo pa niyang binilisan at lihim siyang napamura ng makitang mahaba ang pila sa sakayan ng jeep. Kung kailan siya nagmamadaling umuwi at makalayo kay Judah, mukhang imposible pang mangyari. Nagawa niyang iwasan si Judah sa loob ng ilang araw. Salamat sa ilang projects na kailangan niyang puntahan para sa ocular inspection. Dahil doon ay hindi siya nagtatagal sa office.
Magmula nang malaman niya ang lihim ni Judah ay umiwas na siya rito. Bakit hindi niya iyon gagawin? Hindi tamang makipagmabutihan sa taong may asawa. Kailan ba naging tama iyon? Kahit kailan ay hindi. Bali-baligtarin man niya ang mundo, mananatiling mali iyon.
Sa loob ng ilang araw ay sinisi ni Cara ang sarili. M
