*Jeanine's POV*
"Ayoko na! Suko na ko! Ang hirap naman niyan... aiisshhtt!" Reklamo ni Tin at inis na ginulo ang buhok niya. Pagkatapos ay nahahapong ipinatong niya ang ulo niya sa ibabaw ng librong binabasa niya.
Lahat kaming lima na kasama niya sa mesa ay napatigil sa pagbabasa at tumingin sa kanya. Lahat kami napangiti sa inakto niya. Parang bata kasi siya kung magreklamo. At napaiksi ng pasensya.
Hmmm.... hindi naman sa maiksi, ilang araw na rin naman kasi kaming pabalik balik dito sa Great Library at sinusubukang sagutin ang ang ikalawang Clue ng portal.. pero so far.... walang kinahahantungan ang paghahanap namin.
Kaya di ko rin masisi si Tin kung makaramdam na siya ng inis. Para kasing hindi naman kami umuusad. Nastock na kami sa pagkakatuklas sa Clue. Pagkatapos nun... wala na.
