KABANATA 19
PAGKARATING PA LAMANG ni Isiah sa kaniyang unit ay tila isa siyang lantang gulay na diretsong napahiga sa kama. Inaantok na talaga siya kahit alas-tres ng hapon pa lamang sila nakarating dito sa Maynila mula Lanao. Doon sila dumiretso sa hospital at pagkatapos ng kamustahan, usapan tungkol sa mga nangyari sa kanila, at pagbati sa kanilang pagseserbisyo sa mga tao roon ay mas nadagdagan ang kaniyang pagod. Marahil ay dahil din sa naging byahe nila ay mas tumindi ang kagustuhan ng kaniyang utak na matulog na siya.
Bago tuluyang pumikit ang kaniyang mga mata ay sinulyapan pa niya ang litrato nila Arah at Elijah sa itaas ng headboard ng dating kama ng mga ito, sa isipan ay humihingi siya ng pasensiya kay Arah dahil wala na siyang balak pang tigilan ang damdamin niya para sa fianc
