KABANATA 28
PINANOOD NI ALLIE si Isiah na maghilamos sa sink pagkatapos niyang umiyak at maglabas ng bigat na nararamdaman sa dibdib niya. Umabot din iyon sa halos sampung minuto at labis na namaga ang mga mata ni Isiah.
"Salamat," pagpapasalamat niya kay Allie nang inabutan siya nito ng tuyong bimpo.
Bumuntong hininga ito sa harap niya at halatang nag-aalala pa rin sa kaniya. Binigyan na lamang niya ito ng isang ngiti para kahit papaano ay mabawasan ang habag nito sa kaniya.
"Ang pangit mo na tuloy, friend." Lumapit ito sa kaniya at inayos ang mga buhok na dumikit sa kaniyang noo dala ng paghihilamos. "Ayan, much better."
"Salamat talaga Allie," muli niyang pagpapasalamat dito.
"Ano ka ba!" singhal nito sa kaniya. "Ano pa at naging kaibigan mo ako? Iyan nga ang role ko sa kwento mo,
