ARRIANE'S POV
DALAWANG araw akong hindi pumasok pagkatapos ng insidente na iyon sa restaurant. Hindi ko kayang magtrabaho nang maayos kung ganito kasakit at kabigat ang pinagdadaanan ko.
Mahal na mahal ko si Dave, umasa akong sa pagbabalik niya bubuo na kami ng sarili naming pamilya pero wala pa lang gano'n dahil bumuo na siya ng pamilya sa iba.
Mabilis akong tumingala upang pigilan ang pagpatak ng aking mga luha. Mukha na akong panda sa hitsura ko dahil sa kakaiyak. Dalawang araw na akong nakakulong sa apartment ko, alam kong pabalik-balik si Dave sa labas ng apartment ko, pero hindi ito nagpumilit pumasok kahit may duplicate key naman ito.
Nang makaramdam ng gutom ay pinilit kong bumangon para magluto ng makakain ko. Mabigat ang katawan na lumabas ako ng kuwarto ko nang makarinig
