"Anak." hikbi ni Ursula ng makita si Jordan sa pintuan ng bahay nila. Magkahawak kamay sila ni Jansen ng pumasok sila sa loob ng dati nilang bahay na bahagya n'yang ikinagulat dahil gumanda iyon bigla at luminis tingnan. Bago ang mga gamit at bago din ang mga pintura, tatlo na din ang kuwarto na dati 2 lang napatingin s'ya sa asawa pero mabilis itong umiling na marahil na intindihan nito ang ibig n'yang iparating.
Mahigpit naman s'yang niyakap ng ina na ginantihan naman n'ya habang nakatingin sa amang naka upo sa wheelchair, hindi na s'ya umiyak tulad ng nanay n'ya dahil parang mas gumaan na lang ang pakiramdam n'ya. Malinaw na n'ya na aalaala ang lahat, hindi naman totoo na kidnidnap s'ya ng Nanay Ursula n'ya. Umiiyak s'ya noon sa labas ng hospital ng galit itong lumapit sa kanya at hina
