“Maaari ko bang malaman ang iyong pangalan?”
Subalit ang hindi inaasahang pagtanong nito sa aking ngalan ay nagpabilis ng aking paghinga.
Ang puso ko ay nagdurugo subalit……subalit paano kung kinukuha lamang nito ang aking loob. Paano kung nilalaro lamang nito ang aking nararamdaman. Paano kung pinapaikot lamang ako ni Franco sa pamamagitan ng sundalong ito?
Hindi maari. Hindi kailanman maaring aking ibaba ang aking kalooban kaninuman.
Hindi nila ako mauutong muli sa ikalawang beses.
“Maaari bang manahimik ka na lamang? ” Iniwas ko ang aking tingin at hindi ko inaasahan ang isusumbat nito.
Ang halakhak niya.
Ang napakainosenteng pagtawa nito na parang nasa loob kami ng isang masayang pelikula at hindi sa isang madilim na asilo na hindi naming nakikita ang kabuuan ng isa’t isa.
Ah…k
