Hindi malaman ni Calyx kung babalewalain pa rin niya o paniniwalaan ang mga narinig na sinabi ng doktor sa kaniya. Sinadya talaga niyang magbalik dito sa Laguna - sa hospital kung saan siya na-confine noong maaksidente siya at maging kritikal ang kalagayan. Ayaw niyang gawin ang bagay na ito kahit pa nga noon pa niya alam at may mga nagsasabi na mayroon siyang amnesia. Hindi niya kayang paniwalaan at ayaw niyang tanggapin sa sarili. Kung hindi nga lamang niya nararanasan ang mga pangyayaring para sa kaniya ay isang halusinasyon ay hindi na siya magpapakaabala pa na bumalik rito. Walang pagbabago ang mga inilahad sa kaniya noon at ngayon ni Dr. Cuevas. Iisa pa rin ang kadahilanan ng lahat.
Kahit pa nga iyon ang katotohanan ay nais pa niyang isipin na baka minanipula lamang ni Don Zandro Br
