شربت جوري العصير وبعد شويه حست انها دايخه وبطنها بتتقطع فصرخت بصوت عالي اتجمع علي صوتها كل اللي في البيت ونهي اللي كانت واقفه مصدومه وهي شايفه بنتها بتموت بسببها وداليدا لسه عايشه ومحمد كان قاعد معاهم في البيت بعد كتب الكتاب جري عليها وهو مصدوم مش عارف يعمل ايه
احمد:محمد فوق مش وقت صدمه لازم نوديها المستشفي عندي وداليدا ومليكه يلا بسرعه نروح معاها
محمد شالها وجروا كلهم ركبوا العربيات راحوا علي المستشفي دخلت داليدا معاها اوضه العمليات وكلهم بره متوترين لانهم اتاخروا في العمليات ومحمد هيموت من الخوف عليها وكان بيعيط حاسس انها هتضيع منه وبعد شويه كمان خرجت داليدا وهي بتعيط
داليدا:دي عندها تسمم احنا عملنا اللي علينا ادعولها ال 24 ساعه دول يعدوا علي خير
الكل سمعوا كده وكانوا في حاله حزن رهيبه علي جوري البنت اللي زي النسمه اللي عمرها ما اذت حد خالص وفجأه لقوا نهي هجمت علي داليدا بتحاول تخنق
