جواز صلح

Part 8

خلص جاسر شغله في مصر واخد اجازه ورجعوا الصعيد تاني بعد ماجابوا لفساتين ماعدا فستان الفرح وفاتت الايام وفي يوم الحنه كانت نهي بتكلم حد في الفون

نهي :انا مش عايزه غلطه بكره تيجي في نص الفرح وتض*ب العروسه بالنار فاهم وبقيت حسابك هتاخده لما تنفذ والبت تموت

مجهول:اوامرك ي هانم

نهي:مش عايزه اي غلطه ولو حصل واتمسكت انت متعرفنيش مفهوم

مجهول:مفهوم ي هانم

وقفلت التليفون بس متعرفش ان بنتها كانت معديه من قدام الاوضه وسمعتها

جوري معرفتش تعمل ايه قعدت تعيط وفي الاخر قررت تقول لجدها

جوري :جدو الحق في مصيبه

منصور:ايه ي بنتي مالك وبتعيطي كده ليه

جوري:ماما ناويه تبعت حد يقتل داليدا وهي في الفرح

منصور بغضب:ايه هي مش ناويه تجيبها لبر يعني احنا ماصدقنا عملنا صلح بين العيلتين جايه تنيلها طيب ي حبيبتي انا هتصرف وانتي متعرفيهاش ان انا عرفت

جوري:حاضر ي جدو

ورجعت جوري اوضتها ودخلت البلكونه لقت محمد بيرن

محمد:هو انا لو مرنتش اسأل انتي مترنيش ولا ايه

جوري:انت عارف مينفعش نتكلم كتير احنا مكتبناش الكتاب لسه

محمد :ايه ده هو انتي متعرفيش

جوري:معرفش ايه؟

محمد:انا اتصلت بجدك وقررنا نعمل كتب الكتاب بكره مع فرح جاسر والفرح بعد ماتخلصي امتحاناتك

جوري:ايييييييييه

محمد بعد الفون عن ودنه:ايه يخربيتك بتصوتي في ودني

جوري:انتو ازاي تتفقوا من غير ماتقولولي

محمد ببرود:مانا بقولك اهو جهزي نفسك بقي والفستان كمان الفستان يكون عندك بكره

جوري بتوتر :كمان دانتا مرتب كل حاجه بقي

محمد:طبعا انا مش اي حد

جوري بهمس :مغرور

محمد:عارف كلها بكره ي جميل ومش هيبقي عندك حجه تكلميني يلا اشوفك باليل اه علي فكره اللي انتي متعرفيهوش ان انا اعرف جاسر من ايام الثانوي ونسيت اوقولك

جوري:كمان ايه تاني

محمد:متطلعيش البلكونه كده تاني ي استاذه

جوري بصت علي نفسها كانت لابسه بجامه وحاطه الطرحه علي شعرها ومش ربطاها فكان في شويه من شعرها باينين:انت عرفت منين اني في البلكونه

محمد :بصي تحت علي اليمين كده

جوري بتبص لقت محمد تحت:غمزلها وقالها في التليفون :يلا يابت علي جوه

جريت جوري علي جوه ووشها احمر خالص وهو هيموت من الضحك تحت

دخلت لقت مليكه وداليدا في اوضتها

داليدا:ايه ده وشك احمر كده ليه?

جوري:ايه ده ي بنتي انتي مش عروسه بتعملي ايه هنا

داليدا :بتوهي في الكلام ماشي ياستي جايين نشوف العروسه اصلي تقريبا كده سمعت ان كتب كتابك بكره ها قوليلي مبسوطه

مليكه:لازم تكون مبسوطه مش شايفه كانت عامله ازاي واحنا داخلين

جوري بسعاده:مبسوطه اوي

مليكه :مش عارفه ليه حاسه انك تعرفي محمد من قبل كده

جوري :احم اه الدكتور بتاعي في الجامعه

داليدا بغمزه:دكتور بس اعترفي قوليلي عرفك ازاي

جوري :طيب ياستي هحكيلكم بس بسرعه علشان نجهز للحنه

فلاش باك

كانت جوري داخله من بوابه الجامعه فخبطت في حد

جوري:اسفه مكنتش اقصد

محمد كان سرحان فيها: انا اللي اسف اتفضلي

دخلت جوري السكشن

فجأه لقته دخل وبيقول:انا دكتور محمد هبدأ معاكوا من النهارده وعلي فكره انا مش بحب الاستهتار بحب الالتزام بالمواعيد وفجأه بيبص لقي البنت اللي خبط فيها قدامه فضل مركز معاها وهو بيشرح وفي الاخر سأل سؤال وجوري رفعت ايديها

محمد:اتفضلي ي انسه اسمك ايه

جوري:اسمي جوري

محمد يالاهوي اسمها قمر شبهها ابه البت دي:طيب اتفضلي قولي

جاوبت جوري وهو بصلها باعجاب خلص السكشن وخرجت جوري وكان في واحد بيدايقها

الولد:ايه ي قمر ماتردي في ايه مطنشاني ليه

جوري وهي بتمد علشان تمشي الولد شد ايديها بس فجأه لقته سابها وبيصرخ بتبص لقت محمد مسكه وض*به

محمد:خدوا الحيوان ده علي مكتب العميد وانا جاي وراكوا وبص لجوري :جوري انتي كويسه

جوري بهدوء:انا كويسه ي دكتور متشكره اوي بعد اذنك ومشت

بااااك

جوري:وبعدين يومها حسيت احساس غريب أوي وكل سكشن ببقي حاسه انه مركز معايا بس كنت بكدب نفسي

مليكه وداليدا:هييييييييييح الله قصتك زي الروايات

جوري بهيام:انا مش مصدقه لحد دلوقتي خلاص هيبقي جوزي بكره

داليدا:انشفي كده شويه ي بت مالك واقعه اوي ليه كده

جوري:بجد ي داليدا انا حبيتك اوي بجد

داليدا:وانا كمان وان شاء الله لما نرجع القاهره نبقي نتقابل صحيح انتي بتقعدي فين في القاهره وانتي في الجامعه

جوري:انا مأجره شقه انا و4 اصحابي وقاعدين فيها بقولكوا ايه قوموا بسرعه نجهز وقاموا يجهزوا

اما عند جاسر فكان معاه سليم ومحمد

جاسر:مكنتش متوقع ان انت اللي هتخطب جوري

محمد:وانا والله عمري مااتوقعت اني اقابلك بعد الوقت ده كله

سليم:اخيرا اتجمعنا تاني

محمد :اخيرا يلا ي عريس علشان تجهز داحنا هنخربها

ونسيبهم بقي يجهزوا

اما عند منصور فكان قاعد بيفكر في حل علشان يمنع اللي نهي هتعمله من غير مايحصل فضايح فمسك الفون ورن علي حد

منصور:بقولك ايه ابعتلي حراسه مشدده علي الفيلا في الفرح مش عايز نمله تدخل الا بدعوه وتبقوا مركزين مع كل اللي موجودين مش عايز غلطه وقفل

منصور:يارب عدي بكره علي خير من غير مشاكل واهدي نهي علشان انا عارف انها مش هتسكت ربنا يستر بقي

****************

تفتكروا نهي هتعرف تقتل داليدا ولا لأ