"Ibig sabihin ay pumayag ka na?"
Mula sa paghahalo sa kape ay itinaas ko ang paningin kay Letticia. Narito kami sa isang coffee shop sa loob ng NAIA Terminal 3.
Katulad ko ay masakit din ang ulo ni Letti kaya nag-decide s'yang mag-day off. Dahil pareho naman kaming walang planong matulog ay sinamahan na lang n'ya ako rito sa airport para sunduin si Kian.
Napaaga nga lang kami kaya tumambay muna kami rito sa coffee shop.
"Wala naman akong choice," wika ko bago huminga nang malalim.
Letti's brow shot up. "Huh? Sino namang may sabi sa 'yo na wala kang choice? Ang sabi sa akin ni Reymond, bukod sa mga tiyahin at tiyuhin n'yo ay wala namang namimilit sa 'yo na manatili rito para panindigan ang nilalaman ng will na iyon. Kahit nga si Tito Rafael ay hindi ka pine-pressure dahil doon."
"Hin
