"Grabe! Isang linggo na ang lumipas pero hindi pa rin natatapos ang isyung ito tungkol sa 'yo!"
Tinanggal ko ang paningin sa binabasa at tiningnan ang iritadong manager. Mukhang hindi na talaga n'ya matiis ang mga nababasa kaya ngayon ay ipinapakita na n'ya ang nararamdamang iritasyon.
"Hindi ka na muna dapat nagbabasa ng newspaper," komento ko habang nakatingin sa hawak n'yang diyaryo.
Umilap ang mga mata ni Kian habang nakatingin sa akin. "At bakit hindi? Ngayon lang nangyari ito. Ni hindi nawala sa kahit isang newspaper ang mukha n'yo nitong si Papa Gian!"
Napangiwi ako nang makitang seryoso talaga ang iritasyon ni Kian. Minsan lang naman kasi s'ya mairita. Hindi rin s'ya sanay na naging ganito katagal ang pagkakasangkot ko sa eskandalong ito.
Hindi naman talaga kasi matatawag na
