"Magaganda ang mga shot mo at hindi rin kami nagkaroon ng problema sa pagkuha ng anggulo," ani Director Lim habang ipinapakita sa akin ang commercial na katatapos lang naming i-shoot.
"Mabuti talaga at tinanggap mo na ang offer ng S Cosmetics. Wala talaga kaming maisip na ibang babagay na maging mukha ng cosmetics namin kung hindi ikaw. Kaya nga may ilang taon ding na-move ang schedule sa pagre-release ng iba naming produkto..." nakangiting wika naman ni Lio, ang Marketing Executive mula sa S Cosmetics.
Tutok na tutok talaga sila ng kanyang team mula sa kanilang kompanya para sa araw na ito. Ngayon kasi ang unang araw para sa unang commercial na gagawin ko para sa brand.
Tatlong product ng S Cosmetics ang nasa commercial na katatapos ko lang gawin. Iyon 'yong ilan sa mga produkto nila
