“So, ibig sabihin, Mr. Pogi este Mr. Engineer, ako na lang ang sasama sa inyo sa Rizal para mabisita ang lupain ni Sabina roon,” ani Kian. “Maayos naman ang lahat ng papeles regarding doon kaya wala tayong magiging problema, tama ba ako?”
“Right. Bago matapos ang buwang ito o sa unang linggo ng susunod na buwan, masisimulan na natin itong pagpapatayo ng foundation. Kakausapin ko ang secretary ko para tawagan kayo para sa libreng oras na mayroon ako sa susunod na linggo. Pagkatapos ng visit sa site, kaagad nang gagawa ang team na ilalagay ko para sa project na iyon ng mga design na katulad sa mga sinabi n’yo.” Ipinakita ni Ric ang portfolio na ibinigay ni Kian. “Malaking tulong din itong ibinigay ninyo para makabuo kami ng plano at design na base sa gusto n’yo. Huwag kayong mag-alala, kahi
