Chapter 3

2038 Words

فتحت عيونها بخفيف جلست وهي تشوف نفسها نايمه على الكنب بلعت ريقها وهي تتذكر الي صار قامت ومشت وهي تدور على غرفه تلبس فيها مريولها مكان فيه غيرت المكتب كان جناحه عباره عن غرفه وحده ومكتب ومبطخ والصاله دخلت المكتب وسكرت الباب عليها لبست بسرعه شافت شنطتها وكتبها مرتباب بجهه من المكتب مشت وسحبت الشنطه وهي تحط الكتب فيها طلعت واخذت عباتها من الصاله جت بتفتح الباب بس كان مقفل تاففت بقهر وهي تسند ظهرها على الجدار ولا هي طايقه تروح له وتشوفه فتح عيونه ب**ل سكر المنبه وقام دخل الحمام دقايق وطلع فرش السجادة وصلى خلص وقام فتح الدلاب تمسعت عيونه وهو يشوف ملابسه جنب ملابسه تذكر الي صار وانها برا وش صار عليها سحب لبسه بسرعه ولبس طلع وهو بس لابس الثوب لحاله شافها واقفه عند الباب وتحاول تفتحه بقوه تقدم لها وبصوته الرجولي المبحوح:مقفل ماراح ينفتح الريم فزت ولفت عليه ابعدت عن الباب وهي تطالع فيه بنظرات حاده الفيصل حط المفتاح بالباب وفتحه ولف عليها وهو يطالع ب*عرها المحيوس وجها ال**بس والشنطه الي على ظهرها وعبايتها بيدها الريم دفته وطلعت بسرعه وقفها صوت فهد:الريم لفت عليه وابتسمت له:هلا فهد قرب منها وهو مبتسم:يازين الابتسامه ي ناس حط يده على اكتافها وهو يسحبها له ونزلو مع الدرج فهد ابتسم وهو يشوف نظرات الفيصل الحاده له وبنفسه: انا الي راح خليك تعترف بحب الريم غصب عنك يالفيصل اشتغل من الغيره الحين الفيصل دخل وض*ب الباب بقوه وراه ومشي يكمل لبسه وهو منقهر من حركة فهد : اوك تربينا سوا بس هي زوجتي ليه يحضنها ليه سحب جواله حطه بجيبه لبس لبس ساعته وطلع نزل شافهم جالسين يفطرون سحب كرسيه وجلس الريم قامت:انا بروح السواق برا باست خد ام الفيصل ومشت وباست راس ابو الفيصل ومشت بتجاه الباب الفيصل بصوته الحاد العالي الي تملاه البحه:نزلي الغطى على وجهك قبل تطلعين الريم قلبت عيونها وهي تطنز فيه وطلعت ابو الفيصل.. ابو الفيصل بهدوا:شصار بينك وبينها؟ الفيصل شرب الشاهي حقه:م صار شي ابد لا هاوشتها ولا تكلمت معها ابد اول مادخلت نمت لا تخاف وقام عن اذنكم وطلع ابو الفيصل قام:فهد خلص فطورك ولحقني لف لام الفيصل توصين على شي؟ ام الفيصل ببتسامه: سلامتك الله يحفظكم ابو الفيصل ابتسم وطلع فهد شرب ب شاهيه دفعه وحده وقام وهو يشيل اغراضه ام الفيصل:كمل اكلك يمه فهد باس راسها:خلصت مع السلامه وطلع ورا ابوه بسرعه ام الفيصل تن*دت وقامت وهي تنادي الخدم يشيلون الفطور ..،،، ....................ة جلس على الطاوله حط يده ب*عره ب**ل ارسل للفيصل انه بيمره بالدوام جميله طلعت من المطبخ حطت الشاهي وبهدوا:صباح الخير معاذ ابتسم:صباح النور جميله:زينه يلا راح تتاخرين معاذ مسك يدها:شفيك زعلانه! جميله ارجفت يدها من مسكته وبهمس:مو زعلانه بس عشان الصبح وكذا معاذ شد على يدها وبحب وهو مو حاس على نفسه: ابتسامتك تاخذ العقل لا عاد تكشرين ابد جميله توترت من كلامه رجف قلبها وهي تطالع فيه سحبت يدها بسرعه لما زينه جلست وهي تضحك عليهم معاذ ابتسم وبهدوا:اوصلك ؟ زينه:لا صديقتي بتمرني قامت وغمزت لجميله:كملو غزل شالت شنطتها جميلة قامت وهي منحرجه:تعالي اشوف لابسه شي ثقيل او لا مو فاضيه تمرضين علي سكرت جاكيت زينه عليها خليه كذا زينه بضحكه:تمام بس بعد لبسي زوجك شوفي كيف لابس ترا بيمرض عليك جميله بعصبيه:زينه خلاص زينه ضحكت بقوه وركضت وطلعت وسكرت الباب جميله غضت شفتها بخجل وهي تسمع ضحكت معاذ الي خجلتها زود مشت للغرفه معاذ بصوت عالي :وين تعالي جميله:الحين بجي دخلت الغرفه اخذت فلوس وطلعت بشويش لغرفة معاذ دخلت دقايق وطلعت ومشت له وجلست مكانها بهدوا معاذ ابتسم:كولي شفيك جميله مدت يدها وبدت تاكل بهدوا وهي تتجنب نظراته لها معاذ قام :انا بلبس واطلع قومي البسي اوصلك على طريقي جمليه قامت:تمام بشيل السفره بس والبس معاذ هز راسه ومشى للغرفته سحب منشفته ودخل للحمام ياخذ شور دقايق وطلع سحب ملابسه ولبس نشف شعره وسحب شماغه ولبسها سحب جواله ومفاتيحه حط يده بجيبه سحب الي فيها بستغراب عقد حواجبه وهو يعد الفلوس ٤٥٠ فتح الورقه الي معهم( اعتبرها هديه واذا ماتبي هديه خلها دين ورجعه بس يصير معك) ابتسم بحب لها زاد حبها بقلبه حنيتها الي طغت على كل شي هو مافكر بيوم يعطيها بس هي لما حست انه محتاج ماترددت دقيقه وحده وعطته طلع وهو يدور عليها بالصاله جميله طلعت من غرفتها وهي تلبس عباتها:يلا خلصت تاخرت عليك قرب منها وهومبتسم بحب: شسوي فيك! جميله رجعت خطوه وراه وبستغراب:اش تسوي فيني ماسويت شي معاذ سحبها من خصرها له ض*بت بص*ره غمضت عيونها وهي تكتم انفاسها معاذ حط يده على خدها الناعم وهو يمررها بشويش وبهمس:كيف اشكرك قوليلي جميله ترجف بين يدينه ولا تكلمت وهي تحس قلبها يدق بسرعه معاذ حس برجفتها ميل راسه وهو يبوس خدها بعد عنها وهومبتسم:يلا وطلع قدامها جميله بلعت ريقها وهي ترجف لبست نقابها بسرعه ولحقته وهي تحس رجفتها واضحه ... ،، .................ة كل وحده جالسه بمكانها والفصل فاضي مافيه غيرهن زينه بغبنه على صديقتها :الفيصل ذا يبي ض*ب لين يغمى عليه الكلب ماعنده احساس الريم تن*دت: قاهرني مابي اجلس عنده واصلن منومني بالصاله ظهري ان**ر زينه:تعالي عندي نامي وتركيه الريم:عمي مراح يسمحلي مستحيل بس افكر انام بالملحق الحين اذا جيت عمي ماراح ينتبه وبالليل ماراح انام بجلس زينه:تجين مواصله صعبه عليك الريم:لا تخافين علي قومي نمشي شوي زينه قامت:يلا طلعو من الفصل يمشون ويسولفون ................ة وقف جنب الشركه ونزلت جميله وسكرت الباب معاذ عض شفته بقهر وغيره وهو يشوف رجال يدخلون وراها بحكم ان شغلها مختلط وهو مو منتبه انه بدا يغار عليها تن*د وحرك وهو متجه عند الفيصل وبيقوله يدبر له شغل بحكم انه عنده شركه ومعروف وهو وابوه وهو ناوي يخلي جميله تترك شغلها بعده غصب عنها اذا مارضت وصل عن السكرتير حقه :لو سمحت ابي اقابل الفيصل السكرتير: بشوفه اذا فاضي من تقوله؟ معاذ:معاذ السكرتير قام لمكتب الفيصل شوي ورجع لمعاذ:تفضل استاذ معاذ ابتسم ومشى دخل عند الفيصل الي واقف وسلم عليه:حياك تو نور المكتب معاذ: منور فيك والله الفيصل جلس:هاه شتشرب! معاذ:قهوه عربيه الفيصل وفع السماعه وطلب وسكرها:اي شعلومك معاذ بخجل منه: الفيصل انا جايك ابي تدورلي وظيفه مابقى شركه مادخلتها بس كلهم مكتفين الفيصل عقد حواجبه:الحين مهندس ومعك شهاده من برا ولا يوظفونك والله هذا من حظي المشروع الجديد تمسكه ومن بكرا داوم معليش يعني بس الشغل متراكم معاذ ببتسامه وصدمه:تتكلم جد انت!؟ الفيصل:اي جد لي اسبوع ادور على مهندس وانت نايم في بيتك ماجيت تساعدني الا الحين بس يلا ماعليه معاذ بفرح قام وحضنه:الله يسعدك والله ما انسى لك هالمعروف الفيصل:ماسويت شي معاذ رجع مكانه وجلس وهو مستانس:اف واخيراً الحين اسوي الي براسي غصب الفيصل عقد حواجبه بستغراب:وش بتسوي! معاذ:بخلي ج،،، قطع عليهم دخلو ابو الفيصل كلهم وقفو معاذ تقدم وسلم عليه وابو الفيصل يرحب فيه ولد صديق عمره الله يرحمه جلسو ابو الفيصل: طمني عنك ي ولدي معاذ:الحمدلله بخير الفيصل ببتسامه:معاذ واحد من مهندسين الشركه عندنا توه تعين ابو الفيصل بفرح: والله يحض الشركه فيه اجل بس باقي نزوجه معاذ ابتسم:انا تزوجة يعمي صارلي شهر تقريباً ابو الفيصل بعتب:افا تزوج ولا تقولنا نفرح معك معاذ تن*د: المعذره يعمي بس والله حتى عرس ماسويت ولا عزمنا احد بس انا وياها واختها ابو الفيصل:منهي بنته! معاذ سكت وهو يعرف غلا عبدالله ابو جميله عنده الفيصل:جميلة بنت عمي عبدالله الله يرحمه ابو الفيصل لف على معاذ الي منزل راسه ابتسم:اجل راح تكون بالحفله مع الفيصل والريم والكل يدري بزواجك من جميلة الفيصل بستغراب:اي حفله يبه ابو الفيصل:انت اسكت افهمك بعدين ولف لمعاذ هاه موافق معاذ ابتسم:م عاش من يردك اكيد موافق دخلت للبيت م شافت احد بالصاله مشت لجناح الفيصل وهي مكشره فتحت الباب ودخلت بشويش نزلت شنطتها بالمكتب على طرف طلعت فتحت باب الغرفه بشويش وهي خايفه شوي الانوار مسكره فتحتهم ودخلت تن*دت براحه نزلت عباتها وعلقتها فتحت الدولاب واخذت ملابس ومشت للحمام دقايق وطلعت بسرعه سحبت لها بطانيه من مكان الي فيه كذا بطانيه احتياط اخذت جوالها سكرت الانوار والباب وطلعت انزلت لصاله اركضت للملحق دخلت البطانيه وسكرت الباب وطلعت ارجعت لداخل القصر ابتسمت برتباك لما شافت ام الفيصل ام الفيصل:يمه شفيك طالعه هالوقت برا متى جيتي ! الريم ابتسمت وهي مرتبكه ومشت لها:توي جيت غيرت ونزلت اشم هوا بس تغير السالفه جوعانه متى الغداء ام الفيصل ببتسامه: بس ننتظر عمك والعيال الحين يجون وناكل ياروحي الريم هزت راسها وسكتت ،،،،،.... دخل البيت وهو مبتسم وفرحان سمع صوت بالمطبخ عرف انها فيه:جميلة طلعت وهي مبتسمه:هلا اذا جوعان الحين تجي زوزو وناكل معاذ مشى لها :بقولك شي صار اليوم جميلة وقفت قدامه حركت راسها:ايش!! معاذ ابتسم وبفرح:حصلت شغل ولا مهندس بعد وبشركه كبيره ومن بكرا ببلش جميله نطت بخفيف ومسكت يده بفرح له وهي تضحك:مب**ك مبروك معاذ لمعت عيونه وهو يشوف الفرحه طالعه منها بصدق حس ان امه الي قدامه فرحت له من قلب ابد مو مزيف صحى على صوت زينه الي سمعت كلامهم :على وش تباركين له راح يتركنا الحين ومشت للغرفه وسكرت الباب وراها بقوه وهي منقهره بعد مادخل حياتهم وتعلقو فيه راح يتركهم جميله سحبت يدها منه وهي تتذكر انه فعلن الحين راح يطلقها ويتركهم راح ترجع هي واختها بس من دون اي سند بحياتهم لمعت عيونها بالدموع تصنعت الابتسامه وبحة:لا تهتم لها مب**ك الله يوفقك بحياتك لفت بتمشي معاذ شاف عيونها حس شعور كره له عشانه عيشهم بالشي ذا كلهن حاطات بعقلهم انه راح يتركهم معاذ.... معاذ سحب يدها وهو يلفها له مسك وجها بيدينه مسح دموعها بنعومه وهو يهز راسه ب لا وبهمس:ماراح اتركم والله ماراح اتخلى عنك ماراح اطلقك مستحيل اخليك لغيري بعد ماصرتي لي والله والله ما اتركك ولا اترك اختك انتم صرتم عيلتي الي ادور عليها من سنوات سحبها لحضنه وهو يضمها بقوه :مراح اتركم وراح نسوي عزيمه نخبر الكل انك زوجتي جميله دق قلبها بقوه من كلامه حست بفرح انه مراح يتركها لاول مره احد يحضنها ويواسيها للحضه حست ان ابوها قدامها حست بامان بحضنه نست كل شي اول مره تنزل دموعها قدام احد غير اختها معاذ بعدها عنه ومسح دموعها وبحنيه:جهزي الغداء انا اكلم البويه الي داخل يلا جميله ابتسمت من بين دموعها وهزت راسها معاذ باس خدها بخفيف ومشى لغرفة زينه فتح الباب ودخل شافها جالسه وحاضنه مخدتها جلس جنبها:انتي وبعدين معك يعني ماتخلين الواحد ينبسط الا تنكدين عليه زينه بحده:اطلع معاذ تنحنح: بطلع بس بعد ما اقول الي عندي نهاية الاسبوع راح يكون فيه حفله ببيت عمي سلطان (ابو الفيصل) زينه عقدت حواجبها وهي تنتظره يكمل معاذ:الحفله عشان الفيصل وزوجته وعشاني انا وجميله ترا اعرف الكل عليها وانها زوجتي يعني عماني عماتي الكل الكل راح يدري راح اسوي لجميله مو عرس بس حفله تكفى صح وابيك تساعديني تدخلين الاغراض بيت عمي سلطان وانتي صديقة بنتهم صح ! زينه الي وسعت عيونها وفتحت فمها بفهاوه:انت تمزح معي صح!؟ معاذ هز راسه ب لا: لا ما امزح جد زينه ابتسمت:مراح تترك جميله يعني راح تصيرون عيله ماراح تطلقها وت**ر قلبها معاذ وقف وابتسم بحب لجميله: غ*ي انا افرط بالملاك الي عندي مستحيل اخليها مستحيل عض شفته اختك اخذت قلبي بحركاتها وطيبتها حنيتها تن*د اه والله اني محظوظ فيها لف عليها:هاه تساعديني او لا! زينه بحماس:بساعدك اكيد بخلي اختي تنبسط وتفرح والله قول قول وش اسوي معاذ ضحك:ناكل بعدين اقولك بس خليها سر وطلع زينه ابتسمت وطلعت وراه بسرعه حضنت جميله بقوه الي كانت تنتظرهم وجلست مكانها صباح يوم جديد جالس بمكته ويشتغل بعمق وتركيز دق جواله سحبه عقد حواجبه من الرقم رد بصوته الرجولي الفخم: هلا مديرة المدرسه حقة الريم:السلام عليكم الفيصل عقد حواجبه بستغراب من صوت المراة:وعليكم السلام المديره:استاذ الفيصل ! الفيصل:اي نعم مين! المديره:انا مديرة المدرسه الي تدرس فيها الريم الفيصل بخوف ترك القلم الي بيده: خير الريم فيها شي المديره:اليوم الريم نايمه طول الوقت والاختبار الي قبل يوم ما حلت فيه شي والصراحه الريم من اشطر طالباتنا بس الاسبوع البنت ابد مو مثل قبل اتمنى تشوف شفيها الفيصل عض شفته بقهر :تمام يعطيك العافيه انا نص ساعه واجي اخذها وسكر مسح على وجهه بقهر وضيق وهو متاكد انها من الشي الي صار اثر عليها وهو ابد مو مهتم فيها دخلت على الفصل:الريم جيبي اغراضك وتعالي الريم رفعت راسها على صوتها وعقدت حاجبها بستغراب:ليه!! المديره:اهلك عند الباب يلا الريم رجف قلبها بخوف شالت اغراضها وطلعت لبست عباتها وهي مرتبكه وخايفه طلعت بالشارع شافت سيارة الفيصل مشت لها وركبت لفت عليه بسرعه وبنبرت خوف: صاير شي ؟؟! الفيصل ابتسم عشان يهديها:لاا مو صاير شي بس حبيت اخذك ونتغداء برا اليوم الريم طالعت فيه للحظه تذكرت كلامه:بس انا مابي اطلع معك مكان ودني البيت الفيصل حرك وببرود وهو يتجاهل كلامها:اي مطعم تبين؟ الريم بحده وعناد:قلت ابي البيت الفيصل بنفس البرود:تمام على ذوقي اجل الريم مدت يدها بتض*به بس كانت يده اسرع مسك يدها وهو يحطها بحضنه ويشد عليها عشان ما تسحبها دقايق وارتخت محاولات الريم انها تسحب يدها وهدت عصبيتها وهي مركزه بملامحه الحاده الفيصل صار يتحسس يدها الناعمه البيضا الصغيره ع** يده الكبيره الي تميل للخشونه بالنسبه له ولونها الاسمر ابتسم ومن غير شعور رفع يدها وباسها بخفيف ويرجع يحطها بحضنه وهو يلعب باصابعها الريم رجف قلبها من حركته بلعت ريقها بربكه نزلت راسها وهي تتجاهل دقات قلبها الي زادت بشكل مو طبيعي

Free reading for new users

Scan code to download app

App Store Google Play

Facebookexpand_more