Agad lumapit sa kanya si Kent at hinapit ang beywang niya habang nakatingin parin kina Alejandro at sa Mommy nito.
Dahan-dahang naglakad papalapit sa kanila ang mag-ina na may tipid na ngiti sa mga labi.
“Alejandro.” Agad tawag niya sa pangalan nito nang nasa tapat na nila ang mga ito.
Hindi naman niya alam kung paano pakikiharapan ang Mommy nito matapos niyang malamang pinlano at sinubukan nitong pabagsakin ang mga Montecarlo.
“What are you doing here?” seryosong tanong ni Kent sa mag-ina.
“Miranda.” Tawag pansin naman ni Doña Faustina sa dating kaibigan.
“We’re not here to make a scene. Friends naman tayo, diba Claire? We’re here to congratulate you both. Congratulations on your Church wedding.” Nakangiting sabi ni Alejandro sa kanya at nginitian din nito si Kent. Inilahad pa
