“Wag muna kaya akong umalis?” Nag-aalalang sabi ni Kent na hindi matuloy-tuloy sa paghakbang palabas ng condo nila.
Kabuwanan na kasi ni Claire at anumang oras ay pwede na siyang manganak. Ilang araw na ring tuliro si Kent at ayaw na sana nitong pumasok sa opisina ngunit pinipilit niya ito.
“Di ba napag-usapan na natin to? Wag ka nang mag-alala, kasama ko naman si Tess.” Tukoy niya sa katulong na kinuha ni Kent.
Kahit tumanggi siya nong una ay hindi ito pumayag na wala siyang kasama sa condo nila lalo at minsan na siyang pinuntahan doon ni Doña Faustina. And anytime soon, manganganak na siya at labis itong nag-aalala na bigla siyang mapaanak na walang kasama.
Napabuntong-hininga ito ng malalim. He clearly didn’t want to leave for work pero hindi naman kasi pwedeng parehas silang tutu
