Sa mansion naman ay kagabi pa naghihintay si Helena sa pag-uwi ng asawa niyang si Dave. Kahit na sabihing tinapos na nito ang lahat sa kanila at tanging ang bata lamang sa kanyang sinapupunan ang pinahalagahan nito, nag-alala pa rin siya kung saan ito at kung bakit hindi talaga ito nauwi.
Mahina siyang humakbang sa malaking sala ng mansion habang may tuyong luha sa kanyang mga mata. Hindi pa niya nagawang magsuklay, tila napabayaan niya ang kanyang sarili.
Nakita niya agad si Miah na nagmop sa marmol na sahig ng malawak na sala ng mansion. Nilapitan niya ito, at nang makita siya ng katulong ay ngumiti ito sa kanya.
"Good morning po, Ma'am Helena," bati pa ng katulong na si Miah.
"G-good morning din, Miah," sagot niyang nanghihina ang katawan.
"Ma'am, mag-ehersisyo po kayo at kumain ng
