"How long until she wakes up? Dalawang linggo na, Doc. Hanggang ngayon hindi pa rin siya nagigising."
Iyan ang malinaw na sinabi ng pamilyar na boses na naririnig ko. Ang bigat-bigat ng mata ko. Gusto kong idilat pero hindi ko magawang idilat ito.
Wala na akong ibang narinig pa ulit dahil hinatak na ulit ako ng antok ko.
Ang sumunod na pagbalik ng ulirat ko ay nakadilat na ako. Ang una kong nabungaran ay ang puting kisame, ang amoy ng ospital, at ang kaalaman na may mga aparato na nakakabit sa katawan ko.
Nakaramdam ako ng takot. Hindi ko alam kung nasaan ako. Bigla na lang ay may mukhang dumungaw sa akin. Ang pamilyar na kulay berde na mata niya ay nagbigay ng kapayapaan sa akin. Nasa langit na ba ako para makita ko siya?
"Hey," tawag niya habang nangingilid ang mga mata nito sa
