وتين?

الفصل الرابع

وصلة للشركه ودخلت لمار وعمر مع بعض و الشركه كلها كانت بتبص ليهم باستغراب لان عمر ما عمر اتنازل ودخل مع حد من الموظفين ومفيش موظف بيقدر يمشي جمب عمر لأنه بالمعنى الأصح الكل بيخاف منه

عمر وصل عند مكتبه هو ولمار

لمار ..طب بعد اذن حضرتك هروح مكتبي

عمر بهمس ..مش قولنا بلاش حضرتك

لمار وبنفس الهمس ..واحنا اتفقنا ان حضرتك ديه فى شغل بس صح

عمر ابتسم ..صح تمام روحى على مكتبك

لمار مشيت وكانت مبسوطه جدا من طريقه عمر معاها

عمر اتن*د براحه ودخل مكتبه وبدا يشتغل بتركيز بس كانت كل شويه تيجى فى تفكيرة وكلمه مرات حضرتك لسه بتتردد فى دماغه واقعد يفكر وليه لا متكونش فعلا مراته ومجرد تخيله ان لمار ممكن تبقا مراته في يوم من الأيام خلاه يبتسم

عند لمار كانت ابتدأت تظبط الوان الفساتين بدقه وكانت بتسجل الماتريال إللى هتحتاجها علشان تعرضها على عمر

نور دخلت فى الوقت دا وباين على وشها الخنقه

لمار ..مالك مكشرة كدا ليه

نور ..الزفت إللى اسمه مروان

لمار ..حرام عليكى دا مروان دا عسل

نور ..اقصدك بصل دا كل شويه يعا** فيا

لمار ..معلش هو أول مرة يشوف بنات حلوة

نور بخنقه ..لا دا بتاع ستات وقليل الادب

لمار .. وانتى ايه إللى عرفك

نور ..لسه انهاردة واحنا بنشوف المكان بتاع ال fashion show جت مودل من اللى هيعرضه الفساتين حضنته وتقوله وحشتنى يا ميرو ونفسي ترجع الايام إللى كنا فيها مع بعض والمحترم يروح يقولها وانتى كمان وحشتينى اووى يا لى لى واقعد يكلمها وكنت عامله زى كيس الجوافه إللى واقف بنهم كان فاضل ليهم بس شجره واتنين ليمون ويكتمل المشهد صح وناقص شجره ليه ما انا الشجره .

لمار وهى بتحاول تكتم ضحكتها ..طب وانتى مالك بيه ايه غيرانه

نور بتوتر..نعم غيرانه ايه واغير ليه يعنى هو كان مين اصلا

لمار ..لا غيرانه يا نور

نور بتوتر ..انا ورايا شغل كتير لازم امشي

وقامت مشيت بسرعه

? ? ? ? ? ? ? ? ? ? ? ? ? ?

لمار وهى بتضحك على منظر صاحبتها ..بتحبيه يا نور باين عليكى

خلص اليوم وروح أبطالنا ونور روحت مع لمار

نور ..احكيلى يا لمار عملتى ايه انتى وعمر فى الاجتماع

لمار وهى بتتن*د ..عمر هييييح

نور ..ايه يا بت انتى وقعتى بقا

لمار وهى بتض*به بالمخده..اتلمى

نور ..حاضر هتلم بس احكى

لمار ..بصي يا ستى ........

نور ..الواد شكله واقع هو كمان

لمار ..مفتكرش عمر دا شخصيته قويه وبعدين هو صاحب الشركه واحنا بنشتغل عنده يعنى انا مجرد موظفه مش اكتر ولا اقل

نور ..مش هتفرق يا لمار الحب ملهوش دعوه بالحاجات ديه

لمار ..تفتكرى

نور ..افتكر جدا بس انتى مهتميه ليه

لمار ..انا دا انا مش مهتميه خالص

نور ..اة جدا باين عليكي

لمار ..طب امشي بقا انا عايزة انام

نور ..حاضر همشي

مشيت نور ولمار سرحت فى عمر لحد ما نامت

? ? ? ? ? ? ? ? ? ? ? ? ? ?

عند عمر روح البيت شاف باباه

محمد ..مش من العادى انك تيجى بدرى من برا دا انت على طول صايع فى الشارع

عمر ..يعنى كدا مش عاجب ولا كدا عاجب طب اعمل ايه يعنى

محمد ..لا عجبنى كدا بس خليك كدا على طول

عمر ..ان شاء الله يا بابا هطلع انام انا بقا

محمد ..اطلع يا حبيبي

عمر ..طلع وسرح فى لمار وكان بيتمنا انها تكون مراته فعلا

عمر استغرب نفسه انه اعجب بيها بالسرعه ديه اتصدم اكتر انه خطر فى باله انه ممكن يكون حبها .. وهو لو فعلا بيحبها فازاي وامتي ..طب اشمعنا هى ..ممكن علشان لمار مختلفه عن غيرها كتير نام عمر من كتر التفكير

تانى يوم لمار راحت هى ونور الشركه

عند نور فى المكتب اول ما دخلت تليفون الشركه رن

نور ..الو يا فندم

عمر ..تعاليلى فورا على المكتب يا نور

نور ..حاضر يا فندم

نور راحت لعمر بس كانت مستغربه انه عايزاها

خبطت نور ودخلت

? ? ? ? ? ? ? ? ? ? ? ? ? ?

اول ما دخلت لحظت ان عمر متوتر وشكل فى حاجه مهمه

نور ..حضرتك طلبتنى يا فندم

عمر بتوتر ..اة يا نور كنت عايزك فى حاجه مهمه

نور ..اتفضل يا فندم

عمر بتوتر ..الشغل عامل ايه

نور باستغراب ..تمام

عمر ..يعنى مبسوطه معانا

نور ..اة جدا بس هو حضرتك كنت عايزنى فى حاجه تانى انا حاسه ان فى سبب تانى

عمر بتوتر ..الصراحه اة قصدى لا اقصدى اة

نور ..اة ولا لا

عمر بتوتر ..اة فى حاجه

نور ..اتفضل حضرتك قول

عمر بتوتر ..هى انسه لمار مرتبطه

نور استغربت من السؤال ..لا

عمر حس براحه وفرح كدا فى نفسه

نور ..بس حضرتك بتسأل ليه

عمر بتوتر ..اصل انا م.... لا مفيش اتفضلى انتى على مكتبك

نور عرفت انه معجب بالمار بس مش عايز يعترف او هو متردد

? ? ? ? ? ? ? ? ? ? ? ? ? ?

خرجت نور من مكتب عمر وراحت على طول مكتب لمار

نور بفرحه ..ليا عندك مفاجاة انما ايه بمليون جنيه

لمار ..مفاجاة ايه

نور ..لا اتحايلي عليا شويه

لمار ..خلاص مش عايزة اعرف

نور ..خلاص يا ستى هقول

لمار .. ايه احكى

نور ..عمر

لمار باهتمام..ماله

نور ..سال اذا كنتى مرتبطه او لا

لمار . وانتى قولتيله ايه

نور ..لا طبعا

لمار ..وهو قالك ايه

نور ..انا سألته حضرتك بتسأل ليه بس هو قالى اصل وكان هيقول انه معجب بيكى بس اتردد وقالى روحى على مكتبك

لمار ا**فت ..يعنى هو معجب بيا فعلا

نور بغمزة..دا مش معجب بس دا واقع يا ماما

لمار اكتفت انها تبتسم ب**وف وتسكت

عند عمر كان فرحان انها مش مرتبطه بحد بس حس انه اتسرع لأنه عارف ان نور هتروح تقول لمار اكيد

عدى اسبوع بدون أحداث تذكر

غير أن الكل بيشتغل كويس للعرض الازياء إللى بعد 10 أيام بس نور ومروان فى الفترة ديه قربه من بعض جدا وكان اغلبيت أوقاتهم دايما خناقات انما لمار وعمر كانوا بيحاولوا يتجاهلوا بعض الفترة ديه بذات

فى يوم راحت لمار لعمر مكتبه علشان تعرض عليه بعد التفاصيل فى الماتريال

عمر كان بيشتغل وهو مركز جدا فى الورق اللى قدامه

ولمار خبطت فى الوقت دا

عمر ..ادخل

لمار دخلت وهى م**وفه وفضلت واقفه بتتامل ملامحه وهو بيشتغل وكان عمر وحشها جدا لانهم بقالهم اسبوع مش بيشوفوا بعض من قريب واوقات مش بيشوفوا بعض خالص

عمر رفع وشه علشان يشوف مين إللى دخل واتصدم لما شاف لمار .. لمار

لمار فاقت على صوته وا**فت .. احم استاذ عمر كان فى شويه غلطات فى الماتريال وكنت عايزة نشوف حل ليها

عمر ..تمام ايه الغلط

لمار قربت منه جامد وبدأت تشرح المشكله بتاعت الماتريال بس عمر مكانش مركز معاها لا دا كان مركز من قربها منه ومن ريحه شعرها إللى وصلتله عمر فجأة قرب اكتر علشان يعرف يشم شعرها عن قرب

عمر بدون وعى ..انتى جميله اووى يا لمار

لمار اتصدمت من قربه منها فجأة ومن كلامه

لمار جت بعدت ..انا اسفه انا لازم اروح المكتب

وجت تمشي عمر قام ولحقها قبل ما تفتح الباب وحصارها بايديه وكان قريب منها اووى وشه قدام وشها

عمر بحنيه ..استنى انا عايز اكلم معاكى شويه يا لمار

لمار رفعت وشها ب**وف ليه..اتفضل حضرتك بس ممكن تبعد شويه

عمر..حضرتك تانى مش قولت طول ما احنا لوحدنا عمر بس وبعدين مش هبعد انا حابب كدا

لمار ب**وف ..خلاص اتفضل يا عمر

عمر ابتسم ..ايوة كدا شطورة بتسمعى الكلام

لمار ..نعم هو انت ليه محسسنى انى طفله

عمر ..واحلى طفله انا قبلتها فى حياتى

لمار ا**فت وسكتت

عمر ..بصي يا لمار انا حاسس انى اعرفك من زمان من اول مرة شوفتك حسيت انى شوفتك قبل كدا عنيكى ديه سحرتنى حسيت انى عايز افضل باصص لعيونك على طول حسيت انى مش عايزك تبعدى عنى على طول بحس ان فى حاجه غريبه جوايا عايز اعرف انتى كمان بتحسي بكدا ولا انا بس

لمار ب**وف ..وانا كمان بحس بنفس الحساس دا بس مش عارفة هو معناه ايه

عمر .. انا شايف يا لمار ان احنا مش لازم نتسرع انا شايف اننا نبقا صحاب احسن ايه رايك

لمار ..امممم موافقه

عمر فرح جدا لأنه هو لسه مش متاكد من مشاعره

لمار ..ممكن بقا اروح على مكتبي

عمر ..اوك روحى انتى على المكتب وانا هتصرف فى موضوع الماتريال ديه

وبعد عنها بس كان حاسس انه عايز يشدها ويحضنها ومايبعدهاش عنه ابدا

لمار ..خلاص تمام

خرجت لمار وكانت حاسه انها لو قعدت اكتر من كدا جوا عمر كان هيسمع دقات قلبها وهتتفضح

جت فى الوقت دا نور من وراها

? ? ? ? ? ? ? ? ? ? ? ? ? ?

نور..اقفش مالك يا بت خارجه وشك احمر كدا واحطه ايدك على قلبك

لمار اتخضت فى الاول..كلبه خضتينى وبعدين ملكيش دعوه

نور ..لا عايزة اعرف بليز

لمار ..خلاص تعالى ونكلم فى المكتب

نور راحت معاها ولمار حكتلها كل حاجه

نور ..قال صحاب قال دا انتوا واقعين والله

لمار ..انتى يا بنتى مش بتتلمى خالص

نور ..ليه هو انتى شايفانى متبعترة

لمار ..هاهاها خفه

نور ..عارفة ان دمى خفيف

لمار ..لا هتشل اطلعى برا بقا عايزة اشتغل

نور ..حاضر براحه بس عليا

خرجت نور

ولمار قامت وبدات تشتغل فى الفساتين

وكانت هى إللى بتفصل الفساتين بنفسها

دخل عمر وشافها وهى بتشتغل

عمر ..احم

لمار اتعدلت فى وقفتها وبصت لعمر ب**وف

عمر ..انا خلاص حليت مشكله الماتريال وهتوصل ماتريال جديدة بكرا المهم ايه رايك نخرج نتغداء سوا برا

لمار ..تمام

عمر..خلاص يلا

وخرجت لمار وعمر وركبه العربيه وعمر كان بيسوق بجنون

لمار بخوف..هدى السرعه شويه يا عمر

عمر..متخافيش يا لمار

لمار ..ارجوك يا عمر

عمر قلل من سرعته ..مقدرش ارفضلك طلب

لمار ابتسمت ليه

عمر ..بلاش الابتسامه ديه ونبي انا بضعف

لمار لفت وشها الناحيه التانيه و ا**فت

? ? ? ? ? ? ? ? ? ? ? ? ? ?

وصله المطعم عمر نزل من عربيته وفتح بابا العربيه لمار واول ما نزلت مسك ايديها

لمار اتصدمت ..عمر سيب ايدي

عمر ..لا

لمار ..سيب يا عمر احنا داخلين مكان عام

عمر ..محدش ليه عندى حاجه وبعدين انا حابب اعمل كدا

لمار ..بس

عمر ..خلاص يا لمار بقا

ودخلوا وكان الكل بيبص عليهم لان الكل يعرف عمر السيوفى

عمر اقعد هو ولمار

عمر ..تاكلى ايه يا لمار

لمار ..اطلبلى انت

عمر ..اوك

جه الجرسون

الجرسون ..ازيك يا عمر بيه ليك وحشه

عمر ..وانتوا والله وحشتونى ووحشنى اكلكم

الجرسون ..طب حضرتك وخطيبت حضرتك تحبه تاكله ايه

لمار لسه كانت هتقول انها مش خطيبت عمر بس عمر سابقها

عمر..عايز نفس الاكل إللى بطلبه كل مرة

الجرسون ..تمام

لمار ..ليه مقولتش ان انا مش خطيبتك

عمر ..مش لازم ابرر لكل واحد انتى مين

لمار ..بس ما ينفعش

عمر ..لا ينفع

شويه وجه الاكل وبدأت لمار وعمر يأكله

لمار ..ممكن تحكيلى يا عمر عن نفسك شويه

عمر ..بصي يا ستي انا شاب عندى 28 سنه مش مرتبط

لمار ..انا مسالتش مرتبط ولا لا

عمر ..مش انتى إللى قولتى احكى عن نفسي وانا بحكى اهو

لمار ..اوك كمل

عمر ..عايش مع بابا ماما انتي طبعا عارفه بابا وماما لما تعرفيها هتحبيها جدا وابتدا بابا يدخلنى واحده واحده فى عالم البيزنس برغم انى مهندس بس حبيت البيزنس اكتر وبقيت بشتغل مع بابا

لمار ب**وف ..ومعندكش علاقات مع ستات او كدا

عمر ..مش هكدب وقولك انى معنديش بس علاقاتى مع الستات متتعداش عن الحدود يعنى مفيش اى حاجه خارجه

لمار فرحت اووى

عمر..احكيلى انتى بقا يا لمار عن نفسك

لمار ..انا بقا عايشه مع بابا وماما بس بابا مسافر برا وانا وماما عايشين سوا انا بردو البنت الوحيده ومعنديش غير نور صاحبتى المقربه وتعتبر اختى وعمرنا ما بعدنا عن بعض ابدا بس معنديش اى حاجه تانيه

عمر فرح انها خدت عليه شويه وحكتله عن نفسها

وفضل بنهم حديث مستمر وهزار كتير لحد ما لمار طلبت تروح وعمر وصلها

لمار ..شكرا جدا يا عمر اليوم النهاردة كان حلو اوى

عمر ببتسامه ..انا إللى عايز أشكرك انك قبلتى تخرجى

معايا وانك حكتيلى عن نفسك واننا بقينا اصحاب

لمار ابتسمت ..انا لازم اطلع بقا باى

عمر ..باى

? ? ? ? ? ? ? ? ? ? ? ? ? ?

وعدى 10 أيام بتوع تجهيز للعرض وكان فى الفترة ديه لمار وعمر قربه من بعض اووى وكانوا لازم كل يوم يتغدوا مع بعض فى نفس المطعم وكان عمر أوقات كتير يروح يقعد مع لمار فى المكتب وبدأ يحس معاها ب*عور مختلف محسهوش قبل كدا

لحد ما جه يوم ال fashion show

لمار كانت متوترة جدا وكانت بتأكد كل شويه على الفساتين والمودلات إللى هتعرض الفساتين

نور جت تجرى على لمار

نور ..فى مصيبه يا لمار

لمار بفزع .. مصيبه ايه

نور ..المودل إللى هتعرض اخر فستان اختفت ومش موجودة فى اى مكان

لمار ..طب واتصلتوا عليها

نور ..كل التليفونات بتاعتها مغلقه وجالى اتصال من المساعد بتاعها بيقولى انها جالها شغل تانى وكانت لازم تسافر

لمار بتوتر ..والعمل

نور ..مفيش غير حل واحد

لمار ..ايه هو الحل دا

نور .. انتى إللى تقدمى آخر فستان

لمار بصدمه ..ايه انا

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

خلص البارت

يا ترى ايه إللى هيحصل لمار هتلبس آخر فستان وهتعرضه ولا هترفض

الخاتمه

When life gives you hundred reasons to break down and cry , show life that you have a thousand reasons to smile and laugh . Stay strong ☺️

عندما تعطيك الحياة مئه سبب لتنهار وتبكى ،اظهر للحياة انك تمتلك الف سبب لتبتسم وتضحك ابق قويا ?

نوفيلا / وتين

للكاتبه /esraa mahmoud