وتين?

الفصل الرابع عشر

عمر بتعب .. فين لمار .

مروان .. انت مؤمن يا عمر وعارف ان ربنا لما بيحب حد بياخدوا عنده وكل واحد فينا وليه معاد و...

عمر .. قصدك ايه يا مروان .

مروان .. البقاء لله يا عمر .

عمر بصريخ .. لا لمار مماتتش لا لمار لماااااااار .

عمر بعد الصريخ دا فقد وعيه .

مروان بصريخ ... عمر عمر فوق يا عمرررررر .

مروان طلع يجرى .. دكتور بسرعه دكتور .

دكتور .. فى ايه .

مروان بصريخ .. تعالى شوف صاحبى بسرعه .

دكتور جرى هو ومروان ودخلوا اوضه عمر .

الدكتور بعد الكشف .. المريض دخل فى غيبوبة .

مروان بدموع .. هيفوق منها امتى يا دكتور .

الدكتور باسف .. ديه حاجه بايد المريض من الواضح أن المريض بيهرب من حقيقه مؤلمه بالغيبوبه ممكن يفوق بعد اسبوع ممكن بعد أسبوعين ممكن بعد شهور .

مروان قرب من عمر وباس راسوا .. قوم يا صاحبي بقا عمرى ما شوفتك ضعيف قوم بقا ارجوك قوم .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

مروان ساب عمر وراح لنور إللى كانت لسه فى المستشفى

مروان دخل لقا الممرضه جمبها .. هى لسه مصحيتش .

الممرضه .. لا لسه .

مروان .. تمام تقدرى تروحى دلوقتى وانا هقعد معاها .

مروان اقعد جمب نور إللى وشها كان شاحب ومتعلق في ايديها محاليل من ساعة موت صاحبتها وهى على الحاله ديه ولو صحيت بتفضل تصرخ وتعيط لحد ما بيدوها مهدأ وبتنام .

مروان قرب منها ومسك ايديها و باسها .. قومى بقا يا حبيبتى وحشتينى نفسي ترجعى تكلمينى زى الاول نفسي تقومى تزعقلى علشان ماسك ايد*كى قومى بقا يا حبيبتى انا تعبان اووى يا نور حاسس انى عاجز وانا شايفك فى الحاله ديه ومش قادر اعملك حاجه ولا انتى ولا عمر قومى يا حبيبتى .

مروان حط راسوا على ايد نور وعيط

نور فى الوقت دا فاقت وداست على ايد مروان .

نور بهمس .. مروان ... لمار .

مروان فرح .. نور انتى فوقتى يا حبيبتى .

نور فتحت عنيها .. انا ايه إللى جابنى هنا .

مروان سكت وبص فى الارض .

نور بدأت تفتكر كل إللى حصل بالتدريج من موت صاحبتها وسكونها قدمها فابدات تعيط تاني .

نور بدموع .. لمار .. لمار ماتت يا مروان قولى ان انا كنت بحلم قولى انها لسه عايشه قولى انها لسه مع عمر فى مشوار وهترجع قولى يا مروان رد عليا .

مروان .. ادعلها برحمه يا حبيبتى .

نور بدموع .. ازاى .. قولى .. ازاى .. ازاى اعيش من غير لمار ازاى مين إللى هيروح معايا الشركه مين إللى هعمل معاه فرحنا مين إللى هيتخانق معايا ونتصالح فى نفس الحظه مين إللى هيحضنى ويهون عليا لما يحصلى حاجه وحشه انا عايزة لمار يا مروان عايزة لمار .

مروان حضنها جامد ودموعوا نزلت على حبيبتوا صعبان عليه يشوفها موجوعه ومش قادر يعملها حاجه .

مروان .. اهدى يا حبيبتى انا جمبك انا مكان لمار .

نور بدموع .. محدش هيعرف يكون مكان لمار محدش هيعرف يبقا زيها ودينى يا مروان عند لمار .

مروان .. هود*كى بس تخفى وتبطلى دموع ممكن .

نور وهى بتمسح دموعها .. خلاص اهو انا مش هعيط بس ودينى ل لمار .

مروان باسها من خدها .. حاضر بس نامى شويه علشان خاطرى .

نور .. حاضر بس خليك جمبي .

مروان نام جمب نور وخدها فى حضنوا لحد ما نامت .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عدى شهر وعمر مش بيفوق خالص .

ونور مستمرة تروح تزور لمار فى المقابر وتقعد تكلم معاها

كتير وتحكلها عن إللى بيحصل مروان اقاعد دايما جمب

عمر فى المستشفى منتظر انوا يفوق

مامت لمار وباباها كانوا بيروحوا يشوفوا عمر إللى صعبان عليهم وبيروحوا يزوروا بنتهم الوحيدة إللى بقت عند ربنا

مروان وهو بيكلم الدكتور .. انا عايز اعرف هو هيفوق امتى عدى شهر ومفيش اى تأحسن .

الدكتور .. انا قولتلك الحل فى ايد صاحبك مش فى ايدينا ادعيلوا .

مروان بدموع .. يارب يارب تقوم يا صاحبي انا تعبت من غيرك .

مروان حس انوا اتخنق ونزل يتمشي سمع صوت الأذان

دخل الجامع واتوضي وقرب وبدا يصلى

واول ما سأجد عيط

مروان بدموع .. انا عارف يارب انى بعيد عنك بس انت قولت انك مش بتقفل بابك فى وش حد انا جى وندمان ونفسي تسامحنى على كل إللى عملتوا وتقوم صاحبي بقا انا تعبان وانا شايفوا كدا خليك جمبي يارب .

مروان خلص صلى وفضل اقاعد يدعى ربنا شويه .

قرب منوا شيخ من الجامع

الشيخ .. سلاموا عليكم .

مروان اول ما بصلوا حس براحه كبيرة جدا .. وعليكم السلام .

الشيخ .. انا شايفك من اول ما دخلت الجامع وصليت و حاسس انك موجوع .

مروان بدموع ندم .. انا حاسس ان ربنا بيعاقبنى .

الشيخ .. بيعاقبك ليه .

مروان .. علشان انا بعيد عنوا وارتكبت معاصي كتير .

الشيخ .. ربنا مش بيعاقبك بس هو بيعلمك ان احنا عمرنا قليل وانك المفروض تقرب منوا ربنا غفور رحيم استغفر وتوب وقرب منوا مفيش احن منوا يا بنى .

مروان بدموع .. انا تعبان تعبان اووى .

الشيخ .. من ايه يا بنى .

مروان حكالوا عن موضوع عمر ولمار .

الشيخ قرب وربط على كتفوا .. ربنا قال فى كتابوا الكريم 《داو مرضاكم بصداقات》وان شاء الله صاحبك هيفوق وهيعدى كل دا .

مروان قام وحضن الشيخ .. شكرا جدا ليك .

الشيخ .. الشكر لله واحده يا بنى .

مروان سابوا وراح تصدق فى صندوق الجامع

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

وراح تانى على المستشفى

اول ما دخل لقا نور جايه بتجرى عليه

نور .. عمر فاق يا مروان .. عمر فاق .

مروان طلع يجرى على اوضه صاحبوا واول ما دخل اترمى فى حضنوا بعدم تصديق

مروان بدموع .. وحشتنى اووى يا عمر .

عمر حضنوا وفضل ساكت .

جه الدكتور واطمن عليه .

الدكتور .. اطمنوا هو يقدر يخرج من بكرا هو صحته اتحسنت عن الاول كتير .

مروان .. تمام يا دكتور .

عمر بجمود .. عايز اروح عند لمار .

مروان .. حاضر لما نخرج بكرا .

عمر .. وليه مش انهاردة .

مروان .. هنخرج بكرا يا عمر من المستشفي ونروحلها .

عمر .. تمام .

نور حاولت تتماسك قدام عمر .. حمد لله على سلامتك يا عمر .

عمر بجمود .. الله يسلمك .

نور دموعها خانتها لما افتكرت صاحبتها .. عن اذنكم

وخرجت تجرى .

عدى اليوم وتانى يوم عمر خرج هو ومروان وركبوا العربيه

مروان كان ماشي فى طريقوا للفيلا

عمر .. اطلع على المقابر الاول .

مروان .. طيب روح ارتاح الاول يا عمر .

عمر .. لا اطلع على المقابر يا مروان انا مش هرتاح غير لما اروحلها .

مروان .. تمام .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

راح مروان على المقابر

عمر نزل من العربيه لقا مروان نازل معاه .

عمر .. لا خليك هنا انا عايز ادخل لوحدى عايز اقعد معاها لوحدى ممكن .

مروان .. طيب .

عمر دخل وراح ناحيه المقابر بتاعت لمار اول ما شاف اسمها على القبر وقع فى الارض .

عمر بدموع .. مكونتش متخيل ان اليوم دا هيجى بدرى كدا مكنتش متخيل انك هتسيبينى وتمشي مش قادر اتخيل انى مش هسمع صوتك تانى مش قادر اتخيل انى هروح الشركه وانتى مش فيها مش قادر اتخيل ان حبيبتى ومراتى وحياتى كلها ماتت اوعدك يا لمار انى عمرى مهناساكى وعمرى ما هحب حد تانى وعمر ما فى ست تانيه هتبقا مكانك هفضل فكرك يا حبيبتى وهجيلك كتير علشان انا عارف انك مش بتحبي تقعدى لوحدك اااااة على وجع قلبي والنار إللى فيا اااااة يا لمار وحشتينى و هتوحشينى يا قلبي .

نور كانت جايه زى كل يوم تزور لمار شافت عمر وهو قاعد وبيعيط قربت منوا وحطت ايديها على كتفوا .

عمر لف شاف نور وهى واقفه وبتعيط .

نور بدموع ..مش وحشتك انت بس هى وحشتنى انا كمان تعرف انها وهى نازله حضنتنى وقالتلى هتوحشينى اووى تعرف انها كانت حاسه انها هتموت .

عمر عيط جامد .. انا السبب .. انا السبب .

نور .. لا مش انت دا قدر ربنا يا عمر اه صح لمار سابتلك حاجه .

عمر وهو بيمسح دموعوا .. ايه هى .

نور طلعت تليفونها وشغلت الفيديو .

عمر مسك الفيديو واول ما شاف شكلها وصورتها قداموا وضحكتها عيط .

لمار فى الفيديو .. عمر حبيبي يا حياتى لما تشوف الفيديو دا هبقا انا فى مكان احسن من هنا مكان مفيهوش ظلم ومفيهوش وجع عارف ايه اكتر حاجه وحشه فى الموت انى مش هشوفك تانى عارفة انك هتزعل وعارفة انك هتعيط وتصرخ بس افتكر حبيبتك لمار وافتكر انها كانت مش بتحب العياط انا مش بحب اشوفك ضعيف

حبيبي يا معنى الحياة بحبك جدا اوعى تنسانى يا عمر واوعى متجيش تزورنى تعالى ليا كتير

هتوحشنى جدا يا حبيبي خد بالك من ماما وبابا هما مش ليهم حد غيري واوعى توقف حياتك علشانى انا بس عيش يا حبيبى علشانك بس هزعل منك جامد لو نستنى اوعى تنسانى يا حبيبي

بعشقك .

عمر اول ما خلص الفيديو عيط ... اااااااااااه ليه عملتى فيا كدا ليه **رتينى كدا .

مروان دخل على صوت صريخ عمر لقا عمر بيعيط وباصص على قبر لمار ونور واقفه جمبوا منهارة من العياط .

مروان دخل خد نور فى حضنوا وشد عمر وقفوا معاه .

مروان .. يلا يا عمر .

عمر بعياط .. لا انا مش همشي دلوقتى .

مروان .. يا عمر كدا مش هينفع .

عمر .. ليه عملت فيا كدا ليه سبتنى يا مروان ليه .

مروان .. اهدى يا عمر ربنا قال فى كتبوا الكريم

(وبشر الصابرين الذين اذا أصابتهم مصيبه قالوا ان لله وان اليه راجعون ) يلا يا عمر ربنا يصبرك .

خرج عمر مع مروان وركب العربيه .

عمر .. اطلع على شقتى انا ولمار .

مروان .. بس انت ماينفعش تقعد لوحدك .

عمر .. اسمع الكلام يا مروان اطلع على الشقه يلا .

مروان .. حاضر .

وفعلا مروان وصل عمر لحد شقتوا .

مروان .. اطلع معاك .

عمر .. لا انا عايز ابقا لوحدى .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

وطلع عمر الشقه اول ما دخل شاف البلالين إللى كان عملها ل لمار وشاف صورهم إللى مع بعض فى كل حته الورود اللي في الأرض والشقه اللي كل حاجه فيها مختارينها بعنايه .

عمر بدموع ..ليه سبتينى يا لمار ليه اوعدك يا حبيبتى اني عمرى ما هنساكى وعمرى ما هدخل واحده تانيه فى قلبي غيرك وعمر ما فى ست هتدخل البيت دا غيرك .

خلص الفلاش باك

ملحوظه صغيرة : كل دا كان فلاش باك باللى حصل من سنه .

عمر كان قاعد قدام البحر ودموعوا نزلت من تانى

عمر بدموع .. زى النهاردة من سنه كان كتب كتابي عليكى يا لمار زى النهاردة كنت اقاعد انا وانتى هنا

وحشتينى اووى يا حبيبتى .

عمر بيلف وشوا الناحيه التانيه شاف بنت جميله ب*عرها الدهبي وبشرتها البيضه دموعها نزله على وشها .

عمر جالوا الفضول انوا يعرف هى مالها وبتعيط كدا ليه

بس سيطر على نفسوا .

عمر وهو بيكلم نفسوا .. وانت مالك انت عايز تعرف هى فيها ايه ليه .

عمر قام وسابها وروح البيت اول ما دخل الشقه لقا باباه ومامته ومروان اقعدين .

محمد .. اهلا بالبيه ايه نسيت ان ليك اب .

عمر .. ازيك يا بابا عامل ايه .

محمد .. لسه فاكر انى باباك .

عمر .. بابا انا اسف بس انا تعبان ومش قادر يا بابا .

والدة عمر .. سيبوا يا محمد علي راحته متضغطش عليه .

محمد .. هو مش تعبان لوحده .. انا كمان تعبت معاك يا عمر ليه يا بنى م**م تتعب نفسك وتعبنى معاك .

عمر .. انا مقولتش لحد يتعب معايا انا بعدت عنكم كلكم وقولتلكم سبونى هنا لوحدى عايزين منى ايه تانى .

محمد .. وانت هتفضل لحد امتى كدا هاا فهمنى هتفضل لحد امتى من غير جواز واقاعد لوحدك فى الشقه .

عمر .. هفضل كدا لحد ما اموت محدش هيدخل قلبي غير لمار .

محمد .. يا بنى لازم تفوق بقا وتعيش حياتك الحياة مش بتقف على حد .

والدة عمر .. ايوة يا بني لازم تعيش حياتك انت لسه صغير .

عمر ..بس لمار مش اى حد يا بابا وخلاص الكلام دا مفيهوش نقاش انا مش هجوز وخلاص الموضوع خلص .

وسابهم عمر ودخل اوضتوا .

عمر وهو باصص لصورة لمار .. عايزنى اجوز غيرك مايعرفوش انى قلبى مات من بعدك يا لمار وحشتينى اووى يا حبيبتى .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

تانى يوم عمر راح على البحر تانى واقعد فى نفس المكان وافتكر البنت إللى كانت بتعيط وبص على مكانها لقاها اقعده نفس القاعده بتاعت امبارح وبتعيط بردو .

عمر فضل مراقبها وكان نفسوا يعرف هى مالها او بتعيط ليه بس سابها وقام وراح المقابر عند لمار .

عمر ..وحشتينى جدا يا حبيبتى وحشتنى ضحكتك يارتنى كنت معاكى انا تعبان اووى من غيرك يا لمار .

وفضل اقاعد مع لمار شويه وسابها ومشي

تانى يوم عمر راح بدرى وفضل مستنى البنت إللى بتعيط

وشافها و هى جايه واقعدت تعيط جامد واكتر من الاول

عمر فضولوا زاد وراح يشوفها مالها وايه إللى مخليها تعيط بالطريقه ديه .

عمر قرب منها واقعد جمبها .. لو سمحت ممكن اكلم معاكى .

البنت اتخضت ورفعت عنيها لعمر بخوف .

عمر حس انوا اتشل لما شاف عنيها إللى بلون الزرع ووشها المحمر من الدموع كان فيها شبه من لمار كبير .

البنت وهى بتمسح دموعها .. حضرتك مين وعايز منى ايه .

عمر .. اهدى بس انا بس حبيت اعرف ايه إللى مضايقك ونبقي اصحاب ممكن .

البنت حست انها نفسها تكلم مع حد ممكن يساعدها .

البنت .. ممكن .

عمر .. انا عمر السيوفى .

البنت .. وانا وتين المنشاوي .

عمر ببتسامه .. اسمك حلو اووى يا وتين .

وتين ابتسمت ب**وف

عمر .. خليكى دايما بتضحكى لان شكلك حلو اووى .

وتين .. شكرا .

عمر .. كنتى بتعيطى ليه بقا .

وتين افتكرت واكملت بحزن .. مفيش .

عمر .. لا فى بس لو مش عايزة تكلمى تمام عن اذنك .

وتين مسكت ايديه .. لا انا ممكن احكى بس م**وفه من إللى هحكيه ومش عارفة انت هتاخد فكرة عنى ازاى .

عمر .. طيب اتفضلى ايه بقا إللى مزعلك ومتخافيش انا لو فى ايدى اساعدك هساعدك .

وتين اتشجعت انها تحكى .. انا وتين المنشاوي عندى 23 سنه مامتى ست طيبه وعلى قد حالها بابا بقا أكبر مشكله فى حياتنا

يرجع كل يوم سكران غير البيت إللى بقا زى الكباريه او الديسكو غير انوا فاتح البيت للقمار والشرب وبيجيب ناس قذرة البيت وكل يوم احبس نفسي فى الاوضه من الخوف لحد منهم يتعرضلى

وكملت بعياط اكتر ..كل يوم يرجع يض*بنى وياخد اى فلوس معايا يشرب بيها او يلعب بيها القمار ولو حاولت ماما تدافع عنى بيض*بها هى كمان انا بكرهوا اووى .

عمر وهو بيحاول يهديها .. اهدى يا وتين اكيد فى حل .

وتين .. انا بقيت بتمنى انوا يموت من كتر إللى بيعملوا فيا يا عمر .

عمر .. لو عايزانى اكلم معاه واحاول اتصرف تمام .

وتين بسرعه .. لا بلاش يا عمر دا معندهوش تفاهم وممكن يموتنى فيها .

عمر .. طيب خلاص اهدى .

وتين .. احكيلى انت بقا عن نفسك شويه .

عمر اتن*د .. عمر السيوفى 28 سنه من سنه بس كنت أسعد واحد فى الحياة بس بعدها بقيت احزن واحد فى الحياة .

وتين .. ليه .

عمر .. زى اى شاب حب واتجوز وكنت بحضر خلاص للفرح بس فى يوم اعمل حادثه ومراتى تموت وتسبنى وكل دا حصل فى ثوانى متخيله ان اكتر شخص انتى حبتيه وكنتى بتجهزى لفرحكم يموت ويسيبك من ساعتها وانا يعتبر ميت مش باجاى غير هنا علشان دا المكان بتاع كتب كتابنا وبروح عندها المقابر .

وتين بحزن .. ربنا يرحمها ويصبرك .

عمر .. يارب .

وتين بصت فى الساعة إللى فى ايديها .. انا اتاخرت اووى وزمان بابا مروح ولو روح ولقانى مش فى البيت هيض*بنى .

عمر .. خلاص تعالى اوصلك .

وتين بتردد .. تمام .

عمر خد وتين وركبوا العربيه وصلها لحد البيت إللى كان فى شارع عشوائيه .

وتين .. شكرا جدا ليك يا عمر .

عمر .. مفيش شكر بين الصحاب .

وتين .. سلام .

نزلت وتين وطلعت بيتها

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

اول ما دخلت لقت باباها اقاعد ومامتها بصلها بخوف واضح عليها .

عصام والد وتين قرب منها ومسكها من شعرها .. الهانم كانت فين كنتى فين يا بت انتى .

وتين بدموع .. والله يا بابا نزلت اتمشي شويه اتخنقت من اقعدة البيت .

عصام وهو بيشدها من شعرها وجرها على الاوضه .. شكلك حبيتى العلقه بتاعت كل يوم .

وتين بدموع .. علشان خاطرى يا بابا سبنى ومش هتتقرر تانى .

عصام رمها على السرير وقلع الحزام بتاعوا ورفعوا علشان يض*بها .

دخلت سعاد مامت وتين وقربت من عصام ومسكت ايدوا

سعاد .. بطل بقا افترى على البنت كل يوم تض*بها وتبهدلها احنا زهقنا منك امشي بقا ابعد عنها .

عصام شد سعاد من شعرها .. انتى إللى ملكيش دعوه انتى إللى دلعتيها اخرجى برا وملكيش دعوه بتربيتى لبنتى ورماها برا الاوضه وقفل الباب عليهم .

عصام .. انا هربيكى .

وتين بعياط .. لا يا بابا ارجوك متعملش فيا كدا والله مش هتاخر تانى ومش هنزل تانى من البيت .

عصام مسك الحزام ولفوا على ايديه وبدا يض*ب فيها

عصام ..لازم تتربي جبتيلى العار يا زباله وفضل يض*ب فيها لحد ما وتين اغمى عليها

سابها وخرج من الاوضه

سعاد دخلت تجرى تطمن على بنتها اول ما شافت وتين إللى جسمها كلوا مليان علامات صرخت

سعاد بصريخ .. عملت ايه في بنتى حسبي الله ونعمه الوكيل فيك اشوف فيك يوم .

وبدأت سعاد تفوق وتين لحد ما فاقت وفضلت تصرخ

وتين بصريخ .. ابعديه عنى ابعديه عنى انا بكرهوا بكرهوا اووى يا ماما .

سعاد خدتها فى حضنها وفضلت تهدى فيها لحد ما نامت

عند عصام خرج اقعد يشرب ما حرموا الله وجم الناس القذرة إللى شبهوا و فضلوا يشربوا ويلعبوا غافلين عن ربهم

"بسم الله الرحمن الرحيم "

(يا أيها الذين آمنوا انما الخمر والميسر والانصاب الازلام رجس من عمل الشيطان فاجتنبوه لعلكم تفلحون )

"صدق الله العظيم "

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عند عمر دخل شقتوا وافتكر وتين ونظرة عنيها ودموعها إللى وجعت قلبوا بس وهو بيفكر فيها جت صورة لمار فى دماغوا ندم جدا على تفكيروا فى وتين ونام

فى الحلم

عمر لقا نفسوا ماشي فى طريق غريب وفجأة ظهرت قداموا وتين وشافها وهى محبوسه فى اوضه كبيرة

وتين برجاء .. انقذنى يا عمر من هنا انا محتاجاك جدا .

عمر قرب من الاوضه ولقا ان هو معاه مفتاح الاوضه قداموا .

عمر مسك المفتاح وفتح الباب ومسك فى ايد وتين .

وفاق عمر على كدا

عمر لما صحى استغرب جدا ولبس ونزل على اساس انوا هيشوف وتين تانى انهاردة .

راح عمر على نفس المكان وفضل مستنى وتين بس هى مجاتش .

استغرب انها مجاتش وهو عارف انها كل يوم بتيجى هنا

عدى يومين وعمر كل يوم ينتظر وتين بس مجتش

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

تالت يوم فضل اقاعد مستنى وتين ولمحها وهى جايه وشها كلوا علامات وكانت لبسه لبس طويل

عمر بلهفه .. وتين مالك مجاتيش ليه بالك تلت أيام مختفيه قلقت عليكى .

وتين بعياط ..انا اسفه يا عمر بس بابا لما روحت زعق جامد وض*بنى وكنت محبوسه فى البيت وعرفت انزل انهاردة بالعافيه علشان الشغل مش اكتر .

عمر بغضب .. ازاى يض*بك كدا دا غ*ي انا لازم اتصرف .

وتين .. لا ونبي يا عمر هيموتنى المرة ديه .

عمر .. خلاص اهدى يا وتين .

وتين .. انا لازم امشي يا عمر .

عمر ..طيب هشوفك بكرا .

وتين .. مش عارفة بس هحاول .

عمر .. هستناكى .

وتين مشيت وعمر راح ل لمار وحس انوا بي**نها بس كدب احساسوا وقال انوا عمروا ما حب غير لمار وانوا هو وتين مجرد اصحاب .

عند مروان ونور

مروان .. انا مش فاهم يا نور انتى بتأجلى الفرح ليه .

نور .. كدا يا مروان انا صاحبتى ماتت ومش هينفع دلوقتى .

مروان .. يا نور عدى اكتر من سنه ليه التأجيل بقا .

نور بخنقه .. انا مش عايزة اعمل فرح يا مروان مش قادرة اعمل فرح ولمار مش معايا ياريت تقدر يا مروان شعورى .

مروان زعل .. خلاص يا نور لما تبقي عايزانى ابقي كلمينى انا تعبت من كدا والله تعبت قولتلك انا نفسي تكوينى فى بيتى انهاردة قبل بكرا وانتى مش عايزة انا بقيت بحس انك مش بتحبينى .

نور .. لا يا مروان بس .

مروان قطعها .. سلام يا نور .

وسابها ونزل نور دخلت اوضتها واقعدت تعيط .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عمر راح تانى يوم واستنا وتين وجت وبقوا اصحاب جدا وقربوا اووى من بعض فى خلال فترة صغيرة وكان عمر دايما بيخليها تبتسم لحد ما جه يوم ومجتش وتانى يوم لقاها جايه وبتعيط جامد .

عمر اتخض .. فى ايه يا وتين مالك .

وتين بدموع .. انهاردة كتب كتابي يا عمر .

عمر بصدمه .. ايه .

انتهي البارت تتوقعي ايه اللي يحصل وعمر هيتصرف ازاي وهل ممكن الصداقه ديه تتحول لحاجه تانيه .. حبه اشوف رايكم وتوقعتكم .

الخاتمه

لا تقع سوي بحب كاتبه لان بها شخصيات كثيرة تبعا لأبطال روايتها اى انك ستحب كل يوم انثي مختلفه ستجبرك على الاكتفاء بها . ? ❤

منقول

روايه / وتين ❤

للكاتبه / اسراء محمود ♡