وتين?

الفصل السادس

عند مروان ونور خلصوا الfashion show ومروان خد نور يوصلها

مروان بضيق ..انا اسف لو راكبه يعني غصب عنك بس لازم اوصلك الوقت أتأخر

نور بحزن علي حالته ..مروان انا اللي المفروض تعتذر انت فهمتني غلط

مروان .. معلش بس ايه اللي فهمته غلط..انتي رفضتيني فين الغلط بقا

نور ..انا مرفضتكش رفض قاطعي انا رفضت التسرع في العلاقه اللي زي ده مينفعش تيجي تقولي يلا بحبك ومعجب بيكي ويلا نرتبط فانا اقولك تمام ماشي يلا

اي ارتباط محتاج دراسه قبلها محتاج اننا نكون فاهمين بعض انا محتاجه اقعد مع نفسي لفتره افكر محتاجه اشتغل واحقق ذاتي الاول قبل ما ادخل في ارتباط وحاجات تشغلني محتاجه يا مروان اكون متاكده ان الشخص اللي قدامي مش هيجرحني ولا هي**ني محتاجه يا مروان شويه وقت مش اكتر ولا اقل

مروان ..انا فاهمك يا نور بس مش قادر مش قادر اشوفك قدامي ومش من حقي اني اكون معاكي او اننا نخرج ونكلم

نور..وانا مقدره مشاعرك بس احنا ممكن نحاول نفهم بعض عن قرب ونكون في اطار الزماله والصداقه وبس لحد ما نشوف الدنيا هتوصلنا لايه

مروان ..وانا موافق يا نور موافق اننا نكون صحاب ونحاول نفهم بعض

نور ..هفكر في موضوع نكون صحاب دا

ابتسمت نور بخفوت لتفهمه ونظرت نحو النافذه اوقف مروان السياره فجاه

نور ..في ايه يا مجنون

مروان .. ايه هفكر ديه هو كل حاجه هفكر هفكر

نور ..فى ايه اهدى بس انا بقول افكر دا مش من حقى

مروان ..لا معنديش الكلام دا هاتى رقمك

نور ..اصبر بس افهمك

مروان بحزم..يلا هاتى الرقم

نور طلعت الموبيل وادت لمروان الرقم مروان رجع كمل سواقه وكان فرحان

مروان بمزاح..ستات مش بتيجى غير بالعين الحمراء

نور بغضب ..نعم بتقول حاجه

مروان ..لا ابدا

نور ..بحسب

مروان وصل نور لحد البيت وروح كان مبسوط ان نور هتدي لعلاقتهم فرصه حتي لو صداقه بس المهم انه هيقرب منها عن الاول

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

اول ما وصل البيت بعتلها انه وصل واقعدوا يدردشوا شويه لحد ما ناموا

نام كل من أبطالنا

تانى يوم عمر صحى ولبس وجهز

واتصل على لمار كتير كانت مش بترد

عمر لنفسوا..انا هروحلها بقا

عمر نزل وساق عربيتوا فى طريق بيت لمار

فى الوقت دا لمار كانت نايمه وعامله التليفون بتاعها على وضع الصامت

عمر وصل تحت البيت ونزل وخبط على بيت لمار

لمار صحيت على صوت الباب وقامت وفتحت من غير ما تركز على البس إللى هى لبساه

لمار فتحت الباب واتصدمت لما شافت عمر قدامها

عمر اتصدمت لما شاف لمار لبسه هوت شورت وتشيرت كت وشعرها المبعثر من النوم كان شكلها حلو اووى ومغري جدا وطفولى اووى

لمار فاقت على نظرات عمر إللى بتتفحصها لمار بصت لنفسها لقت انها لبسه كدا قفلت الباب فى وشوا وجريت على الاوضه

مامت لمار فى الوقت دا قامت وفتحت لعمر إللى كان بيضحك برا على منظر لمار وهى مصدومه ومنظرها الطفولى

مامت لمار ..معلش يا بنى مخلفه بنت هبله وقليلة الذوق

عمر فى نفسوا ..واحلى هبله فى الدنيا ثم اكمل ..لا عادي يا امي انا متعود

مامت لمار..اتفضل يا بنى

دخل عمر واقعد فى الصالون

عمر ..انتى عامله ايه دلوقتى يا امى

مامت لمار ببتسامه ..الحمد لله احسن بكتير

عمر ببتسامه ..هو انا ممكن اقولك ماما عادي

مامت لمار ..طبعا قولى يا ماما انا حبيتك جدا يا حبيبي

عمر قرب وباس ايديها ..ربنا يخليكى لينا يا ماما

خرجت لمار من الاوضه بعد ما لبست فستان من الون الوردى ولحد الركبه

لمار بصوت عالى ..خيااااانه

عمر اتخض من صوتها وبصلها باستغراب

لمار وهى بتمثل وبتحط ايديها على قلبها ..المهندس عمر وماما لا وفى بيتى لا كدا كتير قلبي الصغير لا يتحمل شرف العيله راح في الارض احنا لازم نجوزكم ونستر علي الفضيحه ديه

عمر وهو ميت من الضحك..والله انتى حكايه

لمار بثقه ..انا عارفة

مامت لمار ..بقولكوا ايه ادخلوا يلا حضروا انتوا الاتنين الفطار انا جعانه ومش اقدرة اقوم

عمر بصدمه..نعم اعمل ايه

مامت لمار..مش انت بقيت ابنى و هى بنتى يبقا تحضروا الفطار يلا من غير كلام كتير

لمار بسخريه .. هاا يلا يا عمر

عمر بثقه .. يلا

لمار كانت مصدومه ان عمر دخل معاها المطبخ

عمر وهو واقف حيران ..طب اعمل ايه بقا

لمار ..بص انا مش بعرف اعمل غير كيك وبس

عمر ..وانا عمرى ما دخلت المطبخ قبل كدا

لمار ..خلاص نعمل كيك سوا

عمر ..تمام قوليلى عايزة ايه وانا هجيبوا

لمار ..تمام هاتلى الدقيق

عمر ..راح جاب الدقيق وبيفتحوا فى وش لمار راح أدلق عليها شويه دقيق

لمار بغيظ ..بقا كدا

عمر ..والله ما كان قصدى

لمار بغيظ ..لا اقصدك طب اهو وراحت راميه فى وشوا شويه دقيق

عمر ..يا بنت المجنونه لبس الشغل

لمار ..انت إللى بدأت

عمر ..طيب وراح واخد شويه دقيق وحدفهم فى وشها

لمار بصريخ..عااااااا بس يا عمر شعري

عمر ..ابدا

لمار ..طيب وراحت حدفت تانى عليه

دخلت مامت لمار فى الوقت دا ولقت المطبخ متبهدل ولمار وعمر متبهدلين

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

مامت لمار بعصبيه ..ايه إللى عملتوه دا

عمر ولمار فى صوت واحد ..دا هى / دا هو

مامت لمار بحده..المطبخ كلوا يتنضف وتعملوا الفطار بسرعه من غير الهبل دا انا مش مخلفه اطفال

عمر ولمار ..حاضر

وبدا عمر ولمار ينضفوا المطبخ

وخلصوا وعملوا كيك سوا وشاى واقعدوا يفطروا

عمر بص لنفسوا لقا ان لبسوا اتبهدل خالص

عمر ..هروح ازاى الشغل دلوقتى

لمار بلامبالاة ..بلاش تروح وخلاص

عمر ..مش بساهل كدا

لمار ..خلاص كلم مروان ياخد مكانك النهاردة

عمر ..هشوف

واتصل على مروان وقالوا انوا مش هيروح انهاردة ولا هو ولا لمار

مروان ..ايه يسطا انتوا الاتنين مش هتيجوا يبقا في ان

عمر ..اسلك ياض وبطل اسئله كتير

مروان ..اوعي تكونوا بتقروا الفاتحه من غيري

عمر ..وديه تيجي بردو بس ادعيلي ونبي

مروان ..دا انت واقع بقا

عمر ..اوي اووي وهي ولا هنا

مروان ..ج*س حواء كله كدا

عمر ..ربنا يقدرنا عليهم بقا يلا سلام

مروان ..سلام

بعد كدا عمر استأذن ومشي

عمر روح البيت غير هدوموا وخد دش واترمى على السرير وافتكر لمار بجنانها ورقتها وكل حاجه وابتسم ونام

نفس الكلام عند لمار كانت بتنضف شعرها من الدقيق وهي مبتسمه لما افتكرت موقفهم سوا ومن صدمتها انه دخل المطبخ معاها وقد ايه هو متواضع مش زي بقيت الرجاله خلصت وراحت لمامتها علشان تتطمن عليها

لمار .. ماما انتي نمتي

والدتها .. لا يا حبيبتي لسه

لمار ..انتي كويسه طيب بقيتي احسن يعني

والدتها .. اه يا حبيبتي احسن كتير

لمار .. يارب دايما يا امي في احسن حال

والدتها ..المهم انتي شكلك مبسوط

لمار ..يعني

والدتها ..بيحبك

لمار ..هو مين دا

والدتها..عمر..بيحبك

لمار..وانتي عرفتي منين بقا

والدتها ..عنيه..العيون يا بنتي بتفضح اللي قدامك

لمار..وعيونه قالت ايه

والدتها ..قالت بتحبك بس انتي مفهمتيش

لمار ..انا خايفه يكون كل دا وهم

والدتها ..بكرا تقولي اني قولت

لمار ..يارب يا امي انا بحبه اووي

اخذت تحرك ايديها علي شعر ابنتها وتبتسم وهي تدعو لها بان تتزوج عمر في اقرب وقت

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عدى شهرين كان لمار وعمر بقوا اصحاب جدا وبقوا بيحكوا كل حاجه لبعض كل حاجه بتحصل فى حياتهم كانوا كل يوم يروحوا المطعم إللى كل مرة بيتغدوا فيه ويقعدوا يكلموا مع بعض عمر بقا متاكد من مشاعرو ناحيه لمار انوا بيعشق لمار ومش هيقدر يستغنى عنها لمار حست ان هى حبت عمر وبقت متعوده انها تشوفوا كل يوم ويومها مبيكملش الا بيه ولكن حصل حاجه خلتهم يعيدوا حسابتهم تاني

عمر كان بيلبس علشان ينزل يروح الشركه دخلت عليه والدته

عمر ..في حاجه يا ماما

والدته ..اه يا حبيبي تعالي بدري النهارده

عمر..حاضر بس ايه السبب

والدته ..هنروح نطلب روان بنت صاحبتي سوزان

عمر بصدمه ..نعم ليه ان شاء الله

والدته..اومال انت فاكرني هسيبك اقاعد جمبي زي البت البايره

عمر ..وانا قولتلك يا امي انا هجوز لما اقابل البنت اللي حبها وتحبني اللي ينفع تكون ام لولادي

والدته..وانا قولت ماشي لكن اسيبك كدا لحد امتي

عمر ..وانا خلاص لقتها يا امي فاضل بس اني افتحها في الموضوع

والدته..كويس انك مفتحتهاش علشان انا خلاص اديت كلمه لسوزان وهنروح بليل نتعشي معاهم ونقرأ الفاتحه

عمر ..وانا ايه فين راي

والدته ..لما تشوفها الاول نبقا ناخد رايك

عمر ..وانا مش موافق يا امي

والدته ..انت مش هتصغرني يا عمر قدام الناس هتيجي يعني هتيجي والا ملكش ام وقلبي غضبان عليك ليوم الدين

خرج عمر من الغرفه بغضب وركب سيارته وبدا يسوق بسرعه هائله

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

كانت تجلس في غرفة المكتب تنتظره وجدته يدخل بغضب ويغلق الباب بقوه مما اثار الفزع لها

لمار..عمر مالك في ايه

جلس عمر علي المقعد ونظر لها بحزن ..مفيش يا لمار وياريت تسيبيني لوحدي

لمار ..لا يا عمر فيه وانت مخبي عليا ومش عايز تقولي..انت مش قولت اننا صحاب ومينفعش نخبي علي بعض حاجه ليه جاي دلوقتي تخبي ليه مش عايز دلوقتي تشاركني

عمر بغضب..لمار اخرجي لو سمحت برا دلوقتي انا مش عايز ازعلك مني

لمار ..لا يا عمر مش هخرج غير لما افهم في ايه.

زعق عمر بصوت عالي خلها تتنفض ..قولتلك برا يا لمار ..ايه مبتفهميش برا .

خرجت لمار بسرعه والدموع تتساقط من عيونها ركضت نور وراها ودخل مروان الي عمر باستغراب

مروان ..في ايه يا عمر بتزعق ليه وخرجت لمار من عندك بتعيط

عمر ..انا تعبان اووي يا مروان

مروان ..في ايه يا عمر فهمني.

عمر ..امي جايبالي عروسه وبتعاملني كاني بنت كاني مش عارف اخد قرار وخايفه اني ابور جمبها وم**مه اني اروح النهاردة اشوف البنت ديه ولو مروحتش هي هتغضب عليا ليوم الدين

مروان ..طيب اهدي اكيد كل حاجه وليها حل

عمر ..حل منين اعمل ايه اروح اشوف العروسه وادوس علي قلبي وعلي قلبها ولا مروحش وا**ر امي واصغرها

مروان ..لا طبعا روح ومتصغرش امك وبعدها قول انها معجبتكش او متفهمتوش مع بعض وخلاص

عمر ..تمام هشوف كدا

مروان ..فك طيب

عمر ..حاضر يا مروان

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

اما عند لمار كانت تبكي في حضن نور

نور ..اهدي يا حبيبتي اكيد مكانش قصده تلاقي حاجه مضايقاه

لمار...دايما لو في مشكله بنحلها سوا اول مره يعمل كدا ويبعدني عنه ويزعقلي بشكل دا ممكن يكون زهق مني ومبيحبنيش

نور ..لا يا لمار انتي عارفه ان عمر بيحبك قد ايه متحكميش عليه دلوقتي هو اكيد دلوقتي هيجي يصالحك

لمار ..تفتكري

نور ..طبعا افتكر قومي يلا اغسلي وشك وخودي اذن ويلا نمشي

لمار ..تمام

خرجت لمار واخدت اجازه يومين تريح فيهم اعصابها وتشوف عمر هيلاحظ غيابها ولا لا

اما عمر فاتي الليل ورجع البيت لبس واخد اهله وراحوا عند جارتهم سوزان

دخلوا وبعد ترحاب كبير اقعدوا وبداوا يتكلموا

والدة عمر ..اومال فين عروستنا الحلوه

سوزان ..زمانها جايه دلوقتي

دخلت روان وهي بنت جميله جدا بس متكبره اووي حاطه مسحايق مكياج كتير علي وجهها

اقتربت نحو عمر ومدت له يدها بالعصير

روان ..اتفضل

عمر ..شكرا مش عايز

روان باحراج..تمام

سوزان ..عامل ايه في الشغل يا عمر

عمر ..كويس

سوزان ..في حاجه مضيقاك يا حبيبي

والدة عمر ..لا يا سوزان مفيش حاجه هو بس جاي مضغوط من الشغل مش كدا يا عمر

ونكزته في ذراعه

عمر ..اه كدة

روان ..صح يا عمر حلو اووي الdesignes بتاعتك واخر فستان كان في ال show شدني اووي وكنت عايزة اشتريه

عمر..اخر فستان مش للبيع

روان ..اومال عرضتوا ليه

عمر ..لانه من اهم الت**يمات بنسبالي انما هو للعرض بس مش للبيع

روان ..ليه

عمر ..علشان مش اي بنت هيليق عليها هي واحده وبس

**تت روان باحراج

محمد والد عمر ..انا بقول نقرأ الفاتحه بقا

قرأوا الفاتحه وعمر يشعر بالغضب واتفقوا ان الخطوبه تكون بعد اسبوعين انتهت المقا**ه وروحوا البيت دخل عمر بغضب وفك الكرافته بتاعته بضيق

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عمر ..ارتاحتي يا امي مبسوطه دلوقتي

والدة عمر ..اه مبسوطه المهم انت تكون مبسوط

عمر ..عمري ما هكون مبسوط مع واحده مبحبهاش

والدة عمر ..هتحبها بعدين

عمر ..وليه متجوزش اللي بحبها

والدة عمر ..وانا اديتك الفرصه وانت ضيعتها فاخلاص انا اختارت وياريت تعدل وشك شويه وتكلمها عدل

عمر ..حتي ديه عايزاني اعملها حتي لو مش علي مزاجي

والدة عمر.. عمر اتكلم بأسلوب كويس شكلي دلعتك كتير

عمر ..انا طالع يا امي انام ولا لازم كمان استاذن قبل ما انام

والدة عمر ..قليل الادب

**ت عمر وصعد غرفته بضيق

مرت الايام واجازة لمار خلصت وعمر متصلش بيها ولا حس بغيبها ودا اللي كان واضحلها هي بس انما عمر كان كل يوم بيفتح وبيبقا هيتصل يكلمها بس بيتراجع مش عايز يعشمها زيادة ويجي يجرحها

كان يجلس في مكتبه وجد روان تدخل عليه المكتب

روان ..انا قولت اجي اخ*فك ونروح نشوف الشبكه

عمر ..روان انا قولتلك خودي ماما وانزلي انا مليش في الجو دا

اقتربت روان منه وجلست امامه مباشرة علي المكتب..مينفعش يا حبيبي ديه هديه منك انت ولازم تختارها معايا اومال تكون هديه ازاي

عمر ..روان ممكن تبعدي شويه مينفعش كدا

اقتربت روان اكتر وامسكت لياقة القميص ..ليه ابعد

في الوقت دا لمار كانت خدت قرار انها هتدخل توريله ال designs الجديده وتحاول تفهم هو عمل كدا ليه

فتحت لمار الباب من غير استاذان فاشافت المشهد دا روان وعمر قريبين من بعض بدرجه كبيره وبشكل وحش وروان لابسه لبس مكشوف

وقف عمر مفزوع ..لمار انا

ركضت لمار للخارج ودموعها سبقها .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

خلص الفصل اتمني اعرف رايكم ويكون في تفاعل اكتر من كدا

وتوقعاتكم ايه اللي هيحصل

روايه/ وتين

للكاتبه/ اسراء محمود