ساعات كره

بارت الاول

________________

من عدها وبَعد

صارتلي عبرة

وعرفت شلون أخلي

خطوط حمرة

اكو ابن آدم تحبة

ويمة ترتاح

واكو الترتاح كُلش

من تخسرة!

______________

الماضي :

دك المنبه 6:30 يوم جديد يوم تعيس انداريت و لكيت ايات كاعده و بعالمه الخاص كمت من الفراش و رحت مباشرةً اكل و اتفرج مسلسل احاول اماطل لان مالي خلك اروح للمدرسه بعد ربع ساعه خلصت كلشي و غسلت المواعين و رحت اراجع شويه تحاضير و بدلت و رحت للمدرسه كأنو جنازه بالكوه امشي و طالعه روحي و الشباب بالشارع وصلت للمدرسه و اول شي سويته حضنت صديقاتي

_ مرامييي

_ اخخ ريم مشتاقين

_ زمن ما مشتاقتلي ؟؟؟

_ اكيد شون ما اشتاقلج

خلصنه احضان و جانت بنيه اكره هيه مامسويتلي شي بس ماطيقه واكفه يم زمن

زمن : ريم هاي صديقتي أمنه

اباوع على زمن و على امنه مستغربه شوكت و شلون ثنينه جنه مانحبه : هلاو امنه بس من شوكت صديقات

_ لج ما تتخيلين امي راحت يم الصالون مال امه و صرنه صديقاات هواي اشياء مشتركه بيناتنه و اكيد راح تصير صديقتج هم

ضليت صافنه متردده قاطعت صفنتي مرام : ريم ما تتخيلين امنه شكد حبابه ولله

اباع على امنه بريئه زفرت و حضنته : اوكي عادي بس انطيني وكت اتأقلم وياج

_ عادي حبي

مر اليوم عادي بس ثاني يوم كعدت الصبح راسي يون و جسمي يوجعني عرفت فلاونزه و دايخه كلت الاهلي ماكدر اداوم امي تفهمت بس ابويَ ضل يحجي :

_ بابا انتي وزاري شون تغيبين

_ اخذلي اجازه

_ و تريديني اروح للمدرسه اخذلج اجازه كومي بدلي كومي

_ ماريد دايخه

هدء لان يعرفني من ادوخ فضااعهه : كومي ويايه علمود يصدكون

_ مابيه حيل ولله

زفر بتعب و طلع 10 دقايق و رجع مانطوني اجازه :

_ عادي ماعندي شي

_ غيابات تنحسب

_ شسوي اذا مانطوني

راح و رجعت غطيت بنومي فزيت على صوت حركه و لكيت ايات اطبطب بالمجرات و بالغراض و شاعله الضوه و اعرف تريد تستفزني :

_ ما تفكرين واحد مريض مصخممم نايم

_ مافكر

_ ها نسيت ماعندج عقل علمود تفكرين

_ انجبي اني اكبر منج

_ بالعمر حبيبتي مجرد رقم لا تهتمين هواي

شالت زيت الشعر و شمرته عليه غطيت راسي و اضحك عليه و على عقله يربي عمره 19 و هاي تصرفاته و حركاته اني اصغر منه ب 4 سنوات و اعقل منه .... شويه و سمعت :

_ عوفه حبيبي هاي عقله طكه ونص و تغار مني دائما

علت صوته و نطقت : جذابه مامريضه بس علمود لا تداوم

رفعت راسي : مو اني ايات ما تحب المدرسه و بكل صف مرتين راسبه وين اكو اكو وحده عمره 19 و بعده ثالث عجييبب

ايات من تضوج بسرعه يبين عليه فهه عرفت ضاجت :

_ اني ما اعيرج او اذكرج بهالششي بس لا تحجين عليه و انتي ماتعرفيني

رجعت غطيت راسي و افكر ليش تكرهني شسويتله اني الي يتصرف حلو ويايه اتصرف احلا وياا بس هيه حتى ما تحجي ويايه عادي و مستفزه بعمري ما حسيته اختي من تصرفاته ويايه بس احاول اسايره او ما اجاوب كدام امي لان امي تنقهر من تشوف اكو حزازيه بس بالغرفه يا ويله مني لساني يطلع عليه

ورا ساعه بالفراش جانت الساعه 11:10 مابيه حيل اتحرك و وجعع مو طبيعي اني مناعتي قويه يعني بالشتاء مرتين تقريبا امرض بس صعب اطيب اضل ايام اعاني و كله ادويه ماقبل ابر

دخلت امي عليه شافتني اتكلب من الوجع :

_ ريم كومي اكلي علمود تاخذين دوا

_ ما اشتهي احس نفسي ما تتقبل اي شي

_ اجبري نفسج بس چاي عادي

_ يلا هسه اجي

طلعت و اني كمشت فوني اكمل تصميمي مال بارحه بس ماكدر اركز لان دايخه ذبيت فوني زفرت بضجر و كمت استند على الحايط يلا امشي وصلت للمطبخ ردت اوكع اجه حسين كمشني :

_ شبيج ليش مامداومه

_ فلاونزه

بإستهزاء : يبوو عاد ريم تمرضت

_ اسكت مالي خلك من اطيب عود اردلك

_ ايي انتي بس كادره على ايات الفقيره تاكلين راسه

بهمس : اسمع يا حظي فقيره

ابتسم حسين لان سمعني اني و حسين مقربين هواي رغم اختلاف العمر اكبر مني ب6 سنوات و هواي نتشابه بالشكل الخشم و الحلك على امي و موسى و ايات على ابويه ثنينهم نفس الشكل و الثنين متفقين سوا

كعدت بصف امي اجتي ايات تدردم : مكاني كومي

_ مسجل بأسمج

_ اني دائما اكعد يم امي

الام : كومي بنتي كعدي يم حسين و خلي ايات يمي

تضايقت كلش خاصتا من باوعتلي ايات نضرة منتصره حجيت بغصه : ماشي

كمت يم حسين اكلت شويه و كمت وراهه شربت دوا و ماحسيت على نفسي غير نايمه

مر تقريبا اسبوع و اني بس يومين ما داومت ضغطت على نفسي و كملت دوام ....... كمت الاحظ كثرة زيارت ابن عمتي طاب طالع و هوه متزوج كرايبنه و عنده اربع جهال و دائما يصيح ايه و يطبون للغرفه بس الباب مفتوح و اني بحجة اجيب شي و اشوفهم يردله و هيه تكتب ارتاحيت لان شكيت اكو شي مو طبيعي ......

ورا فتره قصيره ابن عمتي جاب موبايل هديه ال ايات موبايل ايات ماقبلته بالبدايه :

_ هاي هديه ماجبتلج من نجحتي من الثاني

_ ماكدر اقبله ولله

_ هاي مني و من رحاب اخذي

_ بنتي اخذي هيَ هديه ماتكدرين تردينه

قبلته و اني شكيت و ضل كل يومين يجيبله كفرات هسه اذا نجمعهن 22 كفر لان دائما اطلعهن و اتحسر و هيَ تفيك كل يوم يفوت تحط كفر جديد

_ اشو كل يوم كفر جديد

_ ليش تغارين

_ على شنو اغار منج بس شنو المناسبه

_ مو بس هوه يجيبلي رحاب هم

_ اي زين اروح اسأله

_ مامجبوره ابررلج اي شي روحي

_ لااا مجبوررهه شنو السالفه و لييشش اميي ساكتهه شنو المناسبهه يجيبلج كفرات و موبايللل حجة هديهه ماتمشي عليه تراا

اجه حسين للغرفه لان كمت اعيط عليه خلتني افقد هواي استفزتني :

_ شكو بنات

_ اختك تغار مني احجي وياهه

_ شبيج ريم

_ مابيه شي

_ يلا كوليله اغار من ايات خطيه ما تردين تعترفين

_ حسين كولل ال ابن عمتك شنو المناسبه كل يوم جايب كفر ال اختك بحجة هديه و ليش اهلي ساكتين و هيَ ماتقبل من احد يحجي

_ حسين لا صدكه بالبدايه جابلي ثنين و بعدين ابويَ كام يجيبلي هيَ تغار لان كالت ال ابويَ على كفر و ما جابله

نطق حسين بشك : و ابويَ يجيبلج 22 كفر بمدة شهر بس

_ هوَ لان فوني مو هواي اكو كفرات عليه الي يلكا يجيبه

هواي استفزتني تحجي عادي و طبيعي و ما تخلي احد يشك بس تمثيله يعبر على امي و ابويَ مو عليه اني و حسين :

_ انتي ليش هواي تجذبين ترا ما تمشي علينه و كم مرا شفته يحط علاكه بالكنتور اكيد كفراتج الخايسه

_ لا تعبين نفسج مهما نحجي عنده واسطه قويه الام

طلع حسين و اجت تبارك بهدوء و عيونه الخبيثه تباع عليه :

_ اني اعرف شنو مشكلتج انتي من وعيتي و صرتي مراهقه الحد هسه تغارين مني ليشش يجوز لان اني الاقرب على امي و ابويَ مدللني و كل كرايبنه يحبوني و و كل البنات من كرايبنه يحبوني و يختلطون ويايه بس انتي و امي تحبني اكثر منج و اي شي بنفسي تجيبه الي ما تخلي بنفسي و ابويَ بس اكله على شي يجيبه بدون تذمر هسه انتي غيرانه لان ابويَ كل يوم يجيبلي كفر و انتي صارلج شهر موصيته و الحد هسه مغلس عليج

ويه كل كلمه تكوله كلبي يوجعني اكثر و اني من النوع اذا عطت عليه ابجي احاول اهدء نفسي و اكمش نفسي ما ابجي لان عيوني انترست دموع تبعدت و كالت :

_ لا تبجين ماحب اشوف اختي الصغيره تبجي

حجيت بصعوبه : لا تخافين ما ابجي على تفاههه من وحده كوستر

بعدت عنه و عفته نار رحت اغسل وجهي و اعصر عيني ماريد ابجي من ورا وحده حقيره غسلت و رحت انام

ثاني يوم روتين عادي بس الظهر اجه تبن عمتي اخذ الموبايل من ايه يريده انطته ايه الموبايل و مرت كم ساعه عادي .......

بليل اساعد امي بالاكل : باعي الاكل راح يخلص تقريبا صيحي اختج اكيد نايمه لما تكوم تلكي العشه موجود

_ تلكه العشه موجود مو تحضر العشه ويانه

_ يمه اختج تعبانه ساعديه

_ بشنو تعبانه كنست شويه حتى مو بيده علمود تتعب

خنزرت امي بغضب و كالت : امشي صيحيه

رحت اصيحه و اني مقهوره هلكد تحبيه اخر شي راح تضربج بوري معدل من ورا سوالفه دخلت للغرفه و اشوف وجهه اصفر و صافنه بحيره : تعاي تعشي

غطت راسه و كالت : ماريد ما اشتهي

_ كيفج بعد احسن

اكو شي غريب رحت على امي : بمه ايات ماتريد

_ ليش شبيه

_ مادري

_ لج اخاف مريضه روحي شوفيه

_ و اني شعليه مريضه لو لا

_ هاي اختج ليش ماعندج حنيه

_ يجوز لان اختي الجبيره قدوتي ماعنده حنيه

ضاجت من كلامي عافتني و راحت يم بنته ورا 10 دقايق اجوي للمطبخ امي ، حسين ، ايات سحبت كرسي و كعدت يمهم

_ شكو اكو شي

_ ايات غير تمسحين الصور يلا تنطين

_ مسحت كل شي ولله شون رجعهن مادري

حسين : ليش يرجعهن شعنده

_ اني ادري

_ شكوو يا صور

_ اختج من مرجعه الفون منطي الفون الجماعته و مطلعين الصور مال ايات

ضليت صافنه معقوله متقصده ما مسحت لو صدك مسحتهن لو هيه خفتهن شسالفه : شلون مو مسحت كل شي

_ اني ادري نسأله تكول مسحتهن ولله حرت

_ ولله مسحتهن

ريم : غير تحذفين الحساب مال كوكل شكد غبيه

_ ليش شدخل

_ بعدين شوكت لحكتي تصورين

_ اذا ملاحظه اخذته ويايه البيت خالتج و صارله شهرين تردين ماصور

_ انتي لو حاذفه الحساب جان ماصارت كل هاي الهوسَه

_ اوويي ماعرف اني

_ لان غبيه

_ لجج لا تحجين على اختج هيج

_ يمه يمكن غلطانه لان الاختلاف بيناتنه واضح

الام و بنته ضاجن كمت احظر السفره وحدي و همه كاعدين حايرين : ليش حايرين بعد صارت

_ و اذا ابوج عرف

_ خلي يعرف احسن ما بعدين يعرف

_ انتي ليش ما تسكتين احنه بيا حال اختج انفضحت و انتي عادي عندج

_ شسوي اكعد الطم

_ انتي ليش تكرهين اختج

ماكدرت اتحمل اكثر و انفجرت اعيط و ضاغطه على نفسي ما ابجي : ما اكرررهه بسسس هذاااا كلللههه غللططههه و غلطججج تعرررفون سجاد شنو خليتو يطططببب و يطلععع للبيت عادييي و جججاب الموبايل انتييي سمحتييي بهل شييي و بنتج فرححتت

اجاني راچدي قوي من امي : شنو قصدج بنتي تسوي علاقه ويا و اني اطمطم

_ هذا الفهمتي من كل كلامي

عفتهم و طبيت جوا و انهاريت بالبچي ابويه اجه و من عرف ضل حاير و حجه ويه سجاد و حلُ السالفه و رجع البيت طبيعي سجاد اختفىَ يعني ما كام يجينه ارتاحيت لان من زمان ما ارتاحله رغم عمره تقريبا بل40 بس اكرهه ...... كاعده أقره طبيعي فجأه ايات اجت تحجي ويايَ

ايات : باعي شنو رأيج ب اخو حيدر حلو مو بله

_ ايع

_ انجبي ولله حلو شوفي

شوفتني صورة ولد ضعيف و مراهق شعرتين فوك حلكه و كصير و الشمس ضاربته مكلوبه جهرته و ستايله مخربطه :

_ منين ابدي

_ هسه اراسله اكله اختي تكول من يا برنامج ابدي اتواصل ويا

_ لا اوكفي منين ابدي ب السلبيات

_انجبي شوفي شحلاته

_ شحلاته خلي الج

_ ولله ماعندج ذق

_ ايات ولي من وجهي

تقربت اكثر و كالت : شبي يعني شنو محلو بي

_ واضحه ترا

_ لا فهميني

_ باعي خشمه بربج هذا خشم انسان طبيعي

_ يسوي عمليه حليته

_ شوفي شعرتين ونص فوك حلكه

_ يكبرن ويه الوكت

_ شكد عمره

_ 17

_ 17 و يريد يرتبط

_ لعد ربه وحد

صفنت على عقليته نطقت هيَ : السكوت علامة الرضى

_ ستايله محلو

_ يعدله

_ شعره خفيف

_ يسوي زرع

_ ضعيف

_ يسمن

_ ياختي اني ماريد احد بحياتي بعدني صغيره

_ اوي عيني بعده صغيره

_ بعدين لهل درجه يحبني يسوي زرع و عملية تجميل و يعدل ستايله بس لان اني ما عاجبني و هوه مايعرفني اصلا

_ مم مموو ههايي شافج مراا و عجبتي

_ نعم نعم وين شافني

_ شاف صورتج

_ وين شافه

_ باعي همه لحو عليه و دزيتلهم بس صوره ولله

_ يمه راح انجلط ما اخلص من حبيبج يجي اخو الاخيس منه و منو سمحلج دزين صوره بدون اذن

_ انجبي لا تحجين عليه و مو صوجج صوجي اني

_ شنو اسمه وليد

_ لا ماريد

_ يغير اسمه

_ ترا ما اقتنع

_ الله عليج هواي عجبتي

_ و اذا عجبته مو كلشي نريده يصير النه

طلعت كالبه وجهه و رجعت اقره ... لا تستغربون هاي اختي 2 بنفس الوكت عادي و اذا بس واحد عافه تصادق واحد جديد عادي بس اكو كم واحد تعلقت بيهم و ضلت تبجي عليهم بس عادي ما يطول 3 ايام بجيه و حداده

بعد اسبوعين على امتحانات نصف السنه هيه الراح تحدد ادخل وزاري لو لا بس انصدمت من اجه سجاد لورا البيت و صاحني رحتله لان يريد كبسول امي انطتني و وديته اله التفتت اريد ارجع وكفني صوته : ريم

_ محتاج شي

_ اريدج تكتبيله ( ملاحظه : مايعرف يكتب و يقرا )

ضليت متردده بس اتذكرت من جاب ال ايات غراض حلوه و وافقت على امل يجيبلي هم

ضل يومين على هالحال اكتب للبنات الي يصادقهن الا وراهه جنت ببيتهم و يم بنته لان هيه اكبر مني بالاشهر بس فهه صديقات صاحني و رحت مطمئنه بس انصدمت من طلب مني اكتب شي بالكوكل محلو اني مافهمته بالبدايه بس بحثت : ادخليلي على اي واحد يشتغل

دخلتله كلبي كام يوجعني دكات كلبي زادن توترت تلخبطت 100 شعور بنفس اللحظه الدمعه بطرف عيني

_ اريد اشوف الفيد يشتغل لو لا

ذبيت الفون و نزلت اركض ضليت اربع ايام مصدومه ماعرف شنو احساسي جان بس ماتوقعت ابد ضليت بداومه تفكير قاطع تفكيري دخول ابنه الصغير : ابويه يريدج

_ هسه اجي

ضليت بفكرة انو اني بس جاي أبحث يعني عادي

( جانت اكبر غلطه ياريم ?)

رحتله نفس الشي صار بس هالمره كال : شنو رأيج

_ ءء بب بشنو

_ بالموقع ماداخله عليهن قبل

_ لا ماعرفهن

_ ليش تجذبين

شمرت الفون و ردت ارجع بس وقفني صوته : تعاي بحثيلي على غير كلمه

_ معليه حير بروحك

_ ماخليج تلتقين ب نرجس بعد

هددني بنقطة ضعفي رغم اذيته اله بس ماعندي غيرهه قريبه عليه بكل الاوقات عندي مرام و زمن بس مرام و زمن بس بالمدرسه حتى برامج ماعدهن اتواصل وياهن رحتله بخطوات ثكيله رجعت بحثتله

ضل فترة اسبوع هيج : شتردين اجيبلج

_ ماريد شي

_ شتردين كولي

_ اريد كفر ال موبايلي لان دورت و ما لكيت

_ صارر شي ثاني ؟؟

_ ماريد اي شي بعد

_ بس اني اريد

بتوتر : شرايد

_ اريد *****

( حرفيا كلام جريئ ماكدر اعرضه بس هوه كال اكثر من كلمه )

خفت كلش و ردت انزل بس صفكني بالحايط و شالني و اني اعيط بأسم مرته طببني بقفص الطيور و حاولت عيطت : وخخخررر دسوييي رححاابب رحححابب مرتكك وينن رححاابب ( اسم زوجته )

ضليت اعيط سد حلكي و ضل يلمس جسمي و اتجرئ باللمس مادري شلون عضيته و انهزمت نزلت جوا و عيوني مغوركه دموع شافتني رحاب اعتقد فهمت لان باوعت عليه و اندارت جان تشوف سجاد جاي ورايه بس توقف من شاف رحاب رحت للبيت كبل طبيت سبحت و اني ابجي طلعت من الحمام تعبانه محد لاحظ عليه ضليت يومين ابحث على تصرفاته طلعلي كلمات هواي منهن ( تحرش ) ( اعتداء ) ضليت صافنه معقوله هيج يصير لان ماعرف اي شي بخصوص ذني الكلمات و الكلمات الي بحثت اله ضليت كاعده بفراش و هم دز واحد من ولده : ابويَ يريدج

_ ما اجي

عافني و طلع شويه و اجه : يكول ضروري

قررت اروح علمود انهي سالفة اكتبله لان تعبت كمت لبست بشت اختي

_ ترا مالتي

_ عندج 300 بشت غيره و 300 عبايه اسلاميه و 300 جبه وكفت على هذا

_ انجبي مالتي و ذبي يله

ذبيته مابيه حيل اناقش و رحت لبست جاكيتي و وصلت البيتهم همه بيتهم بصفنه يفصلنه حايط بس صعدت فوك ( الدرج الي يصعد عل سطح خارجي و يصير ورا الكراج ) : صحتني

_ اي عجبج الي سويته

_ لا و ماريدك بعد صيحني ولله اكول ال رحاب

_ لا ولله و اطلكه جهاله وين يروحون

_ لو محد يستقبله اني استقبله فهمت

_ من ****

هوَ يطلع شغلات يسويهن بيه و اني اغلط و اصيح

_ انته ليش ما تولي على غير وحده جاي عليه

ماحسيت الا على بوكس قوي بكتفي : انطيتج عين زايد لا تجاوزين حدودج

عيوني غوركن نطقت : من كل عقلك اتقبل واحد كلب يلمسني

حسيت على بوكس ثاني بس ببطني : شنو تخبلت على راسي

ضل يضرب بيه فقد بصعوبه فلتت نفسي منه حس على نفسه و ضل يعتذر : انته مخبل بصفتك منو تضربني

_ بصفتي ابن عمتج

_ ما الك اي حق لان اصلا ما اتشرف بيك

_ باعي بصعوبه كامش نفسي ما اموتج و ادفنج هنا

شفت بوري مفتوح غسلت وجهي و طلعت للبيت اركض دخلت للبيت ابويَ ماكو حسين ماكو امي بالاستقبال طبيت للغرفه اطلع ملابس اسبح و ايات عينه تراقبني بس ضلت ساكته اخذت الملابس و طبيت سبحت و طلعت كعدت بالغرفه اكلب بالفون نطقت ايات: وين جنتي

_ يم نرجس

_ شسوين

_ ما تعرفين يم نرجس شسوي بعدين ليش كاعده تحققين ويايه

_ محمود يسأل عليج

_ و منو هذا

_ صديق رحيم

_ و منو رحيم

_ حبيبي شبيج

_ شصار ب حيدر

_ عفته

_ زين منو رحيم

_ كاعد بالمنطقه ( *******)

_ تشاقين لجج بيناتنه بس عشر دقايق مخبله انتي

_ بعد احسن علمود اشوفه

_ و شلون عرفتي

_ مو انقلت هناك بذيج المدرسه عرفته

_ خرب حظي انتي شبيج صاحيه شكد جريئه ما عرفتج

_ ترا ما صار شي

_ شكد عمره

_ بكدي بس اني اكبر منه بشهرين

_ زعطوط

_ ليش استغرب دائما تغارين مني اصلا استغرب شلون يحبونج ذوله

_ منو ذوله منو حبني

_ محمود شافج بالسوبر ماركت مو رحنه ويه امي

_ هذا الطب اشتره و طلع

_ اي هذا و رحيم بالسياره

_ و بعد ولد ويا

_ اي شفتيهم

_ انتبه على سياره و بيه شخص بس يباع ما استغربت شكيت بيج

_ هسه شنو رأيج بي

_ محلو شكد عمره

_ 26

_ ححيلل بعدين مابيين عبالك 30

_ هوه هيج

_ لا فرق العمر هواي

_ انجبي امج تزوجت ابوج بكدج و هم هيج جبير على امي ب 10 سنوات

_ و انتي كلتيه ابويَ تزوج امي هذا يريد علاقه عابره و شفتي امي تزوجت و انشلع كلبه الحد هسه

_ اذا تعرف عليج و حبج هواي اكيد اكو شي رسمي

_ لا مستحيل

_ بكيفج بس خسارة عمرج

عافتني و طلعت ابد ما استغرب دائما هيج كاعده على كلبه بس تريد تخلص مني كملت قرايه ماطولت ساعه لان مابيه حيل حتى اقره غطيت بنومي .....

ثاني يوم كعدت رحت للمدرسه مشه روتين المدرسه عادي و رجعت بالليل اجه ابن سجاد : نرجس تريدج تكول صديقاتي اجن و يريدن يتعرفن عليج

_ و ابوك وين

_ بالدوام

_ اي هسه اجي

كمت لبست جاكيت فوك ملابسي لان اني مو محجبه و مصارلي 8 شهور يلا نضجت بس كبر جسمي بسرعه المهم وصلت البيتهم دخلت اجه اخو نرجس الي اني اكبر منه بكم شهر و كال : نرجس فوك السطح هيه و صديقاته

_ ماشي شكرا

صعدت اركض و من وصلت ما لكيت احد كمت اصيح بأسمه : نرجسس نرجسس وينجج

_ هنا بالقفص تعاي

جان اكو قفصين واحد بعيد عن الاخر رحت على مصدر صوته لكيته كاعده و يمه بنت عمته : وينهن صديقاتج

_ هاي رشا تريد تتعرف عليج

_ بس هيه تعرفني

_ بس مو قريبات

كعدت يمهن و بحركه سريعه طلعن و قفلت الباب و ضليت جوا ويا الحمام : نرجسس وينجج

_ راح تضلين هنا يا كلبه اني امي تبجي من وراج ك****

_ نرجس خل افهمج بس طلعيني ما اتحمل هنا

_ مستحيل اطلعج امشي رشا خلي ننزل

نزلن و عافني بحيره و الحمام فوك راسي مزعج ...

اختنكت ما ماكدر اتنفس شويه و الظلام احتل عيني و ماحسيت بشي بعد .......

_____________________

رأيكم بالقفله ?؟؟؟

طبعا ادري هواي تأخرت عليكم بتنزيل البارت البارحه البارت اكتمل بس حبيت اطوله شويه فهه تأخرت و اليوم نزلت اعتذرر

القصه وضحت شويه عليكم و اني دا اكتب حسيت سرعت الاحداث شويه بس هاي ذاكرت البطله يعني تذكرت شويه و اضيف مشاهد من يمي و طبعا اسأله و تكول اي عادي و تقريبا هيج يصير ويايه و ابد لا تحسون اتسرعن الاحداث لان هاي البدايه فقط و ريم بعد هواي معانات عنده هاي فقط البدايه و الماضي مالته حبيت اذكره علمود تقرون القصه بكل وضوح و ما تصير هوسه عليكم

_______________________

دوختكم سورييي

انستا تابعوني و اي اسأله تردونه هناك اسألوه و افهمكم و قريبا قناة تلي



دمتم سالمين ?