MARISOL
Nalukot ang mukha ko nang umalingawngaw ang nakakarinding ingay ng alarm clock na nakapatong sa night stand.
Inabot ko iyon at in-off. Dumaing ako.
Hinihile pa rin ako ng kama pero alam kong kailangan ko nang bumangon.
Bumangon ako paupo sa kama,kinusot ko ang mga mata at nag-inat.
Inaantok pa ako pero pinilit ko pa ring tumayo at tinungo ang banyo.
Nakakaramdam ako ng katamarang pumasok kung kailan dalawang araw na lang at bakasyon na namin.
Naghilamos ako at nagmumog bago lumabas ng kuwarto. Mag-aalmusal muna ako bago maligo at maghanda sa pagpasok sa school.
Mararaanan ko ang kuwarto ni Daddy.
Napakunot ang noo ko nang makitang bukas ang ilaw sa kuwarto niya.
Lumapit ako, sumilip. Hindi ko siya nakita.
Pumasok ako sa loob, umupo sa gilid ng kama. Napatingin
