NANG araw na iyon ay bumiyahe sina Francez papuntang La Union kasama ang mga kaibigan. Ikakasal kasi ang kapatid ni Sussie at pinakiusapan sila nitong tumugtog sa beach wedding na iyon.
Taga-roon kasi ang pamilya nito kaya doon magaganap ang kasal.
Matapos ang mahaba-habang biyahe ay nakarating din sila sa isang sikat na beach resort doon. Kung hindi siya nagkakamali, ang bayan na iyon ay kilala bilang Surfing Capital of the North, ang San Juan, na dinadayo rin ng mga turista at maging mga artista para makapag-relax.
Matapos silang magcheck-in sa isang sikat na resort doon – ang Kahuna Beach Resort, ay agad silang nagtungo sa restaurant ng naturang resort upang makapag-breakfast. Open space ang malawak na restaurant na nakaharap sa dagat kaya mula roon ay ramdam na ramdam niya ang mala
