ANG mga fans ng CISA ay natahimik na lamang nang lumipas ang unang limang minuto ng game. Kumpara nga sa CLCC, ibang team ang Minscat. Napatawag ng time-out si Coach Erik para mapahinto ang momentum ng kalaban. 2-20 agad ang score at nakikita naman niya na maganda ang laro ng players niya. Ngunit hindi iyon sapat. Pagod na kaagad ang kanyang starting 5. Sa oras na palitan naman niya ang mga ito ay mas lalong lalaki ang lamang ng kalaban.
Mahigpit na depensa at ang malakas na laro mula kay Avenido at Gado! Iyon ang kaagad nagpahirap sa CISA. Matapos ang turnover ni Avenido sa pagsisimula ng laban ay hindi na ito mapigilan ni Ricky. Napipilitan tuloy silang i-double team ito. Subalit sakit din sa ulo nila ang player na si Gado na tila mas lumakas pang maglaro mula nang lumipat ito. Isa pa r
