MAPAPANSING halatang interesado si Clowie kay Ricky. Alam din ito ng kanyang mga pinsan na pinasusundan pa nila ng kantyaw dahilan para si Ricky ay bahagyang mahiya.
Hindi rin naman akalain ni Clowie na mapupukaw ang tingin niya sa number 3 ng CISA sa laban nila dito. Ang hustle at ang tibay sa paglalaro ng binata ay tila nakaagaw sa kanyang atensyon nang sandaling iyon. Isa pa, ang nakapukaw lalo sa kanya ay ang ginawa nito kay Karlo Ibañez.
"Clowie, pero crush mo si Ricky?" Biglang kantyaw ng isa sa mga pinsan nito na kumakain ng salad.
Napangiti na lang nang bahagya ang dalaga. Hindi ito sumagot na mas piniling kumain ng nasa mesang lumpiang shanghai.
"Ricky, single ka ba?" Ani naman ng isa pa sa mga pinsan ni Clowie.
Napangiti na lang si Ricky, ang totoo ay gusto na niyang umalis
