Ang mga tinta ng panulat ang nagbibigay buhay sa mga piraso. Itim kung itim. Madulas kung madulas. Asul kung asul, pula kung pula. Magandang tingnan ang mga kulay kung iisa ang daloy. Magandang tingnan ang mga bagay na pareho ng tinta ay pareho rin ang pupuntahan. Kapag sumali ang pula sa itim, sira ang lahat ng mabuting ginawa. Kapag may tuldok sa puti, tuldok na kamalian ang mangingibabaw. Nadungisan. Nasira. Nasayang.
Dala na siguro ng kalasingan ni Kai kagabi ay mahimbing pa rin ang tulog niya sa tabi ko habang ako ay mulat na. Ang sarap-sarap niyang tingnan, ang sarap-sarap haplusin ng tsokolateng buhok. Parang dudulas sa mga dulo ng aking bawat daliri. Anghel si Kai.
Dahan-dahan ang ginawa kong pagbangon habang okasyunal siyang sinisilip. Pumasok ako sa cr at nang matapos do
