ABALANG binabasa ni Kaia ang mga files na ibinigay sa kanya ni Zale kanina. Pero nagkukunwari lang siya dahil kahit anong gawin niyang tumbling ay hindi niya iyon maintindihan.
Kung bakit naman kasi sa kanya pa ito ipina re-review ng boss niyang may saltik? Ano naman ang alam niya sa expenses ng company? Puro numbers lang nakikita niya rito. Para saan ba ang report na ito?
Binali-baliktad niya pa ang hawak na papel, umaasang magbabago iyon pero walang nangyari. Talagang wala siyang maintindihan. Sana naman kasi ipinaliwanag ni Zale kung para saan iyon or kung paano i-review ang mga iyon. Hindi yung kung ano-ano pa ang sinabi nitong rules na parang mga kalokohan lang naman.
Sumandal siya sa swivel chair niya. Ilang oras na ba siyang nakaupo doon? Tatlo? Apat? Pero wala pa rin siyang nata
