Alyssa POV
KAAGAD kaming nagbyahe ni Mang Edgar, pauwi ng bahay. Paano, si yaya Merced kasi, ang sabi niya umuwi na raw ako, dahil nasa bahay na raw si Brix at may dapat kaming pag-usapan. Kahit nagtataka ako at kahit ayaw ko pa sanang iwan si papa, sinabi na rin ni papa na baka kailangan na ako ng asawa ko.
Paglabas ko ng kotse, nakakapagtakang hindi ako sinalubong sa gate ni yaya Merced. Ngiti-ngiti akong naglakad papasok ng bahay, at nang tatanggalin ko na ang suot kong sandals, napatigil ako nang makita si Brix na nakaupo sa sofa.
Nginitian ko siya. "Akala ko magtatagal ka sa pinuntahan mo," magiliw kong sabi sa kanya.
Napansin kong nakatayo rin pala si yaya Merced sa gilid ni Brix at tila hindi mapakali. Nginitian ko siya, ngunit parang may kung anong bumabagabag sa kay yaya, k
