لم أكن أنتويه حباً فأصبح بالحلال عشقاً الجزء الأول " اليمين"

الحلقة الثامنة عشر

كانت بتضحك وبتقوله" حرام عليك اوعى تكون بتض*بهم "

رن هاتفه وهما بيضحكوا، رد عليها وهو بيخرجه من جيبه وقال " اض*ب مين هو انا بقدر عليهم، دنا يتبني ليا تمثال والله على صبري "?

بص حسام على هاتفه وقال" ده خالي "

وفتح وهو بيقول" انا اسف ياخالي هتحرك دلوقتي واوصلها الشقه"

رد عليه الحج جمال عليها باستغراب " هو انت لسه موصلتهاش ده اما اتصلت و قولت ليا هخلص مشاوير ، انا فكرت انك وصلتها الاول "

رد حسام وهو مرتبك" ما انا اتصلت علشان اقولك انها هتكون معايا"

ضحك خاله وقال" و الله يابني ماسمعت سيرة اميره بالمكالمه هما خلو فيا عقل يركز انا توقعت انك بتقول علشان هتتاخر علينا بس كويس انك خدتها معاك عشان تغير جو قبل ما ترجع البيت "

اتكلم حسام وقال" اهو هتحرك بطريق الراجعه دلوقتي، كنت عايز مني حاجة اجبها معايا"

افتكر الحج جمال سبب اتصاله بيه ليقول " صح نسيت انا كنت بتصل لاسالك هتسافر امتي"

ضحك حسام و بص لاميرة من تاني وقال" من الواضح أن الكل كان منتظر يخلص مني"☺

ضحك خاله على طريقته بالكلام وقاله" لا نخلص ايه، دا احنا هنخليك تحلم باليوم ده ومش هتنوله "?

ضحك حسام بفرح ليكمل الحج جمال وقال " بص بقي امك مسكت فينا نروح نقعد عندها بالبلد كام يوم وخالتك ومرات خالك ماصدقوا حد يقولهم تعالوا، قاموا شبطوا بالعزومه "

فرح حسام لدرجة انه قرب يطير من فرحته كمل خاله وقال" بس لو هتسافر قبل الفجر مش هينفع، عشان لازم نظبط الشنط وكمان هنشوف اميره يمكن ترفض وهي متضايقة كده "

رد حسام وقاله بسرعه" الوقت المناسب ليكم هسافر فيه خدوا راحتكم انا مفيش ورايا حاجه ضروريه "