"Where's your plus one tonight?"
Hindi na inabala pa ni Raven ang sarili na lingunin si Marco nang marinig ang tanong nito. Nanatili siyang nakatayo sa harap ng glasswall ng events area ng Alexandros Corp at tahimik na tinanaw ang abalang kalsada sa labas ng building. Mag-a-alas siete na ng gabi at ang kalsada ay napuno ng sasakyan. Dahil maulan sa gabing iyon ay maraming tao ang mga nakapayong habang naglalakad sa footwalk, ang iba ay tumatakbo patungo sa bus station hindi kalayuan, at ang iba'y nakasilong sa mga shops na nasa gilid ng kalsada.
"Isang linggo ka nang laging tahimik at wala sa mood, buddy. C'mon, masyado mong dinidibdib ang pagbabalik ng ex mo. Live your life as is, okay? Wala siyang magagawa para makuha sa'yo si Rache, we will help you."
Huminga siya
