#حنين الحنين

#حنين 12

Attrife:

#ﺣﻨﻴﻦ_12

ﻗﺎﻝ ﻟﻲ ﻛﻼﻡ ﻋﻤﺮﻱ ﻛﻠﻮ ﻡ ﺣﺄﻧﺴﺎﻫﻮ ..

ﻗﺎﻝ : ﺍﻋﺘﺒﺮﻳﻬﺎ ﻫﺪﻳﻪ ﻣﻨﻲ ﺍﻟﺤﻼﻭﺓ ﻭﺍﻟﻤﻨﺎﺩﻳﻞ ??

ﻗﻠﺖ ﻟﻴﻬﻮ : ﻻﻻﻻ ﻟﻮ ﻡ ﻟﻘﻴﺖ ﻓﻜﻪ ﺧﻠﻴﻬﺎ ﻣﻌﺎﻙ .. ﻭ ﺍﻧﺎ ﺑﺸﻴﻞ ﺍﻟﺒﺎﻗﻲ ﻭﻗﺖ ﻧﺘﻼﻗﻲ ﻣﺮﺓ ﺗﺎﻧﻴﻪ ???

ﻗﺎﻝ ﻟﻲ ﻱ ﺃﺧﺘﻲ ﺍﻧﺎ ﻋﺎﺭﻑ ﺍﻧﺘﻲ ﻋﺎﻭﺯﻩ ﺗﻌﻮﺿﻴﻨﻲ ﻉ ﺍﻟﺨﺴﺮﺗﻮ

ﻗﻠﺖ ﻟﻴﻬﻮ ﻻﻻﻻﻷ ??? ﻡ ﻛﺪﻩ ﻫﺎ ﺑﻄﻞ ﻋﺒﻂ

.. ﻗﺎﻝ ﻟﻲ ﺧﻼﺹ ﺍﻗﻮﻝ ﻟﻴﻚ ﺣﺎﺟﻪ ﺧﻠﻴﻬﻢ ﺻﺪﻗﻪ ﺟﺎﺭﻳﻪ .. ﻭﺑﺪﻝ ﺗﺪﻓﻌﻲ ﻟﻲ ﺍﺩﻋﻲ ﻟﻲ ﺍﻧﻮ ﺭﺑﻨﺎ ﻳﻔﺘﺤﻬﺎ ﻋﻠﻲ ? ﻷﻧﻮ ﺍﻟﺪﻋﻮﺓ ﺩﻱ ﺃﺣﺴﻦ ﻟﻲ ﻣﻦ ﺃﻟﻒ ﻣﻠﻴﺎﺭ ﺣﺪ ﻳﺘﺼﺪﻕ ﻟﻲ ﺑﻴﻬﺎ .. ﺻﺪﻗﺔ ﺍﻟﺪﻋﺎﺀ ﺍﺣﺴﻦ ﺑﻜﺘﻴﺮ ﻣﻦ ﺻﺪﻗﺔ ﺍﻟﻤﺎﻝ ??..

ﻃﺒﻌﺂ ﻣﻨﻄﻘﻨﻲ ﻣﻨﻄﻖ ﻋﺠﻴﺐ .. ﻭﺭﺍﺳﻲ ﺳﺨﻦ ﻭﻡ ﻋﺮﻓﺘﻪ ﺃﺭﺩ ﺍﻗﻮﻝ ﻟﻴﻬﻮ ﺷﻨﻮ .. ﺣﻜﻤﻪ ﺗﻄﻠﻊ ﻣﻦ ﻭﻟﺪ ﺑﺎﻟﺴﻦ ﺩﺍ !!! ﻭﺍﻟﺤﺎﻟﻪ ﺃﺳﺎﺀﻭ ﻟﻴﻬﻮ ..

ﻗﻠﺖ ﻟﻴﻬﻮ ﺣﺎﺿﺮ ?

ﺑﻌﺪ ﻣﺴﺎﻓﻪ ﻗﻠﺖ ﻟﻴﻬﻮ ﺑﺲ ﻡ ﺍﺗﻌﺮﻓﻨﺎ ??

ﻗﺎﻝ ﻟﻲ ﺍﻧﺎ ﺍﺳﻤﻲ ﻣﺠﺎﻫﺪ ..? ﺑﻨﺎﺩﻭﻧﻲ ﻗﺮﻣﻪ

ﻗﻌﺪﺗﻪ ﺃﺿﺤﺤﺤﺎﺍﺍﺍﻙ ﻑ ﺍﻷﺳﻢ ???????..

ﻗﺎﻝ ﻟﻲ : ﻻﺣﻈﻲ ﺍﻧﻚ ﺑﺘﻀﺤﻜﻲ ﻓﻲ # ﻟﻘﺒﻲ ﻭ # ﻗﺪﺍﻣﻲ !!!☹☹☹☹☹☹

ﻗﻠﺖ ﻟﻴﻬﻮ ﻭﺍﻧﺎ ﻣﺎﺷﻪ : ﺍﺳﻢ ﻣﺠﺎﻫﺪ ﺍﺣﻠﻲ ... ﺍﻧﺎ ﺣﻨﻴﻦ .. ﻳﻼ ﻧﺘﻼﻗﻲ ..

ﻣﺠﺎﻫﺪ ﺍﻭ # ﻗﺮﻣﻪ .. ﺭﻓﻊ ﻟﻲ ﻳﺪﻭ ﻭ ﻭﺍﺻﻞ ﺭﺣﻠﺔ ﺍﻟﺒﻴﻊ ..

ﺟﻮ ﻗﺎﻝ ﻭﻫﻮ ﺑﻌﺎﻳﻦ ﻑ ﺍﻟﻤﺮﺍﻳﺎ ﻭﻣﺪﻭﺭ ﺍﻟﻌﺮﺑﻴﻪ : ﻛﺎﻥ ﺗﻮﺍﺻﻠﻮ ﻭﻧﺴﺔ .. ﺷﻮﻳﻪ ﻛﺪﻩ ﻭﻛﻨﺖ ﺣﺄﺟﻴﺐ ﻟﻴﻜﻢ ﺍﻟﺸﺎﻱ

ﻗﻠﺖ ﻟﻴﻬﻮ ﺑﺒﺮﺍﺀﺓ ﻃﻔﻞ ﻋﻤﺮﻭ 5 ﺳﻨﻪ : ﻡ ﻗﻌﺪ ﺃﺷﺮﺏ ﺷﺎﻱ ﺍﻧﺎ .. ﺑﺲ ﻟﻮ ﺟﺒﺘﻪ ﻗﻬﻮﺓ ﺑﻜﻮﻥ ﻇﺎﺑﺖ ??

ﺍﺣﻴﻴﻴﻴﻨﺎ ﻟﻮ ﺷﻮﻓﺘﻮﻫﻮ ﺍﺗﻔﺮﺱ ﻛﻴﻒ ?????

....

???

ﻣﺮﺕ ﺍﻷﻳﺎﻡ .. ﻭﻋﻼﻗﺘﻨﺎ ﺍﻧﺎ ﻭﺟﻮ ﺯﻱ ﺷﺒﻜﺔ ﺍﻟﻨﺖ ..

ﻣﺮﺓ H+

ﻭﻣﺮﺓ E ..

ﺣﻴﺎﺗﻲ ﻑ ﺍﻟﺠﺎﻣﻌﻪ ﺍﻛﺘﺮ ﻣﻦ ﻋﺎﺩﻳﻪ .. ﺑﺲ ﺍﻟﺸﻲ ﺍﻟﺴﻤﺢ ﺍﻧﻮ ﻋﻤﻠﻨﺎ ﺷﻠﺔ .. ?.. ﺷﻠﺔ ﻇﺮﻳﻴﻴﻔﻪ ﻭﻧﺎﺳﻬﺎ ﺿﺤﻜﺎﻳﻴﻴﻴﻦ

ﻋﻤﺎﺭ ﻭ ﻣﻨﺬﺭ ﻭ ﺍﺣﻤﺪ ﻭ ﻧﻤﺎﺭﻕ ﻭ ﻣﻲ ?? ﻭ ﻭ ﻧﺎﺯﻙ ﺍﻟﻤﺰﻩ ?? ﻗﻠﺖ ﻣﺰﻩ ﻻﻧﻬﺎ ﺑﺎﻟﺠﺪ ﻣﺰﻩ .. ﻋﺜﻞ ﻳﺎﺧﻲ ﻣﺎﺷﺎﺀ ﺍﻟﻠﻪ .. ﺭﺑﻨﺎ ﻳﺤﻔﻈﻬﺎ ﻗﻮﻟﻮ ﺁﻣﻴﻴﻴﻴﻦ

ﻋﻤﺎﺭ : ﻧﺤﻦ ﻣﻦ ﻭﻗﺖ ﺟﻴﻨﺎ ﺍﻟﺰﻓﺘﻪ ﺩﻱ ‏( ﻋﻦ ﺍﻟﺠﺎﻣﻌﻪ ﻳﺘﺤﺪﺙ .(???? ﻡ ﻃﻠﻌﻨﺎ ﻟﻲ ﻣﻜﺎﻥ .. ﺍﺭﺡ ﺍﻟﻠﻴﻠﻪ ﻧﻤﺸﻮ ﺍﻟﻨﻴﻞ ﺷﺎﺭﻉ ﺑﻤﺎ ﺍﻧﻮ ﻡ ﺷﻐﺎﻟﻴﻦ

ﻣﻨﺬﺭ : ﻗﺼﺪﻙ ﺷﺎﺭﻉ ﺍﻟﻨﻴﻞ

ﺍﺣﻤﺪ : ﻓﺮﻛﻪ ﺟﺎﻣﺪﻩ .. ﻻﻳﻚ ﻭﺷﻴﺮ ﻭﻛﻮﻣﻨﺖ ﻛﻤﺎﻥ

ﻣﻲ : ﻛﺪﻱ ﺗﺎﻗﻮﻧﻲ ﻋﻠﻴﻴﻴﻚ ﺍﻟﻠﻪ ?

ﺍﻧﺎ ﻭﻧﺎﺯﻙ ﻧﻀﺤﻚ ﺳﺎﺍﺍﺍﻱ .. ﻃﺒﻌﺂ ﻣﺠﻨﻮﻧﻴﻦ

ﻋﻤﺎﺭ ﻛﻼﻣﻮ ﻛﻠﻮ ﻣﻘﻠﻮﺏ .. ﺷﺎﻳﻔﻴﻦ ﺷﺎﺭﻉ ﺍﻟﻨﻴﻞ ﻗﺎﻝ ﺷﻨﻮ ?.. ?

ﺍﻣﺎ ﻣﻨﺬﺭ ﺍﻟﺘﺮﺟﻤﺎﻥ .. ﺑﺼﻠﺢ ﻟﻴﻚ ﺍﻱ ﻏﻠﻄﻪ ﺍﻧﺖ ﺗﻘﻮﻟﻬﺎ

ﻭﺍﺣﻤﺪ ﺑﺘﺎﻉ ﺍﻟﺮﺍﻧﺪﻭﻙ .. ﻛﻼﻣﻮ ﻛﻠﻮ ﺣﻖ ﻧﺎﺱ ﺭﺍﺳﻄﻪ ﻭ ﻋﻤﻚ .

ﻣﻲ ﺩﻱ ﺍﻧﺎ ﻡ ﻓﺎﻫﻤﻪ ﻫﻲ ﻏﺒﻴﻪ ﻭﻟﺔ ﺑﺘﺴﺘﻬﺒﻞ

ﻧﺎﺯﻙ ﺟﻨﻬﺎ ﺿﺤﻚ ﻋﺸﺎﻥ ﻛﺪﻩ ﻭﺟﻨﺎﺗﻬﺎ ﻳﻮﻣﻲ ﺣﻔﺮﺗﻬﻢ ﺑﺘﻮﺳﻊ ?

ﺍﻣﺎ ﻧﻤﺎﺭﻕ ﺩﻱ ﺯﻭﻟﺔ ﺍﻟﻠﺔ ..? ﻣﻦ ﺍﻟﻠﻪ ﺷﻴﺨﻪ .. ﻡ ﻋﺎﺭﻓﻪ ﺍﺗﻠﻤﺖ ﻣﻌﺎﻧﺎ ﻛﻴﻒ ﺷﻠﺔ ﺍﻟﻤﺠﺎﻧﻴﻦ ﺩﻱ ﺑﺲ ﺍﺣﻠﻲ ﺷﻲ ﻓﻲ ﺍﻟﺸﻠﻪ ﻫﻲ

ﻋﺎﻣﻠﻪ ﺯﻱ ﻗﻄﻌﺔ ﺍﻟﻜﺮﺯ ﺍﻟﺒﺘﻜﻮﻥ ﺃﻋﻠﻲ ﻗﻤﺔ ﺍﻷﻳﺲ ﻛﺮﻳﻢ ﺩﻳﻚ ❣?..

ﺍﻣﺎ ﺍﻧﺎ ☝? ﻭﺑﻼ ﻓﺨﺮ # ﻣﻼﻛﻬﻢ _ ﺍﻟﺒﺮﺉ

ﻣﻨﺬﺭ ﻗﺎﻝ : ﻗﺼﺪﻙ ﺷﻴﻄﺎﻧﻬﻢ ﺍﻟﺠﺎﻳﺐ ﻟﻴﻬﻢ ﺍﻟﻔﻘﺮ .

ﺍﻧﺎ ﻭﻗﺖ ﺍﻟﺘﻌﺮﻳﻒ ﺑﺎﻟﺸﺨﺼﻴﺎﺕ ﻛﻨﺖ ﺑﺼﻮﺭ ﻓﻴﺪﻳﻮ ﻑ ﺍﻵﻳﺒﺎﺩ ﺣﻖ ﻣﻲ .. ﻃﻮﺍﻟﻲ ﻗﻔﻠﺘﻮ ﻭﻗﻠﺖ ﻟﻲ ﻣﻨﺬﺭ ﺑﻐﻀﺐ : ﻫﺴﻊ ﺍﻻ ﺃﻣﺴﺢ ﺩﺍ ﺗﺎﻧﻲ .. ﺩﻱ ﺍﻟﻤﺮﺓ ﺍﻟﻌﻮﺷﺮﻣﻴﻪ ﺃﺳﺠﻞ ﺍﻟﺘﺴﺠﻴﻞ ﺩﺍ ﻭﺣﻀﺮﺗﻚ ﺗﺨﺮﺑﻮ ☹☹☹☹☹..

ﻣﻲ ﻗﻠﻌﺖ ﺍﻵﻳﺒﺎﺩ ﻭﻫﻲ ﺑﺘﻘﻮﻝ : ﺍﻟﻨﺒﻲ ﻡ ﺗﻤﺴﻴﺤﻮﻫﻮ

ﻗﻠﺖ ﻟﻴﻬﺎ : ﻟﻊ .. ﺍﻣﺴﺤﻴﻬﻮ

ﻗﺎﻟﺖ : ﺍﻣﻮﺕ ﻟﻴﻚ ﺍﻧﺎ ﻻﺍﺍﺍ

ﺗﺎﻧﻲ ﻭﺍﺻﻠﺖ : ﻫﻮ ﺛﻢ ﺗﺎﻧﻴﺂ ﺍﻧﺎ ﺑﺘﺮﺟﺎﻙ ﻟﻴﺸﻨﻮ !! ﻣﺎﻫﻮ ﺍﻵﻳﺒﺎﺩ ﺣﻘﻲ ﻓﻲ ﺍﻟﻨﻬﺎﻳﻪ ??????

ﺍﺣﻤﺪ : ﻱ ﺷﺒﺎﺏ .. ﺍﺭﺣﻜﻢ ﻳﺎﺥ ☹☹☹

ﻧﺎﺯﻙ : ﻣﺎﺷﻪ ﺍﻷﺳﺘﺮﺍﺣﻪ ﺍﻧﺎ ﻧﺘﻼﻗﻮ ﺟﻤﺐ ﺍﻟﺒﺎﺏ

ﻋﻤﺎﺭ : ﻣﺎﺷﻪ ﺗﺘﻤﻜﻴﺞ ﺃﻛﻴﺪ

ﻣﻨﺬﺭ : ﻗﺼﺪﻙ ﺗﻌﻤﻞ ﺻﻴﺎﻧﻪ ???

ﺍﺣﻤﺪ : ﺍﻟﻮﺍﺣﺪﻩ ﺗﺪﺧﻞ # ﺗﻮﻛﺘﻮﻙ ﺗﻄﻠﻊ # ﺗﻮﺳﺎﻥ ?????

ﻧﺎﺯﻙ : ﺍﻧﺘﻮ ﻉ ﻓﻜﺮﺓ ﻣﻨﻔﺴﻨﻴﻦ .. ﺑﻌﺪﻳﻦ ﻧﺤﻦ ﻡ ﻣﺤﺘﺎﺟﻴﻦ ﻣﻜﻴﺎﺝ .. ﻣﻦ ﺍﻟﻠﻪ ﺳﻤﺤﻴﻦ .☝?? ﻳﻼ ﻱ ﺑﻨﺎﺕ ﺍﻟﻤﺎﺷﻪ ﺗﺠﻲ ﻣﻌﺎﻱ ??

ﻣﺸﻴﻨﺎ ﻣﻊ ﻧﺎﺯﻙ ﺍﻷﺳﺘﺮﺍﺣﻪ ﻇﺒﺘﻨﺎ ﻧﻔﺴﻨﺎ .. ﻭﺑﻌﺪﻳﻦ ﻃﻠﻌﻨﺎ .

ﺍﻧﺎ ﻭﻣﻲ ﻭﻋﻤﺎﺭ ﻓﻲ ﻋﺮﺑﻴﻪ

ﻭﻧﺎﺯﻙ ﻭﻣﻨﺬﺭ ﻭﺍﺣﻤﺪ ﻭﻧﻤﺎﺭﻕ ﻑ ﻋﺮﺑﻴﻪ .. ﻭﺍﺗﺤﺮﻛﻨﺎ

ﺍﻟﻌﺮﺑﻴﺘﻴﻦ ﻛﺎﻧﻦ ﻣﺎﺷﺎﺕ ﺟﻤﺐ ﺑﻌﺾ .. ﻛﻞ ﺩﻗﻴﻘﻪ ﻣﻨﺬﺭ ﺑﻄﻠﻊ ﺭﺍﺳﻮ ﻭﺑﺴﻠﻢ ﻟﻴﻨﺎ ..

ﻣﻲ ﺯﺍﺗﻬﺎ ﺗﻄﻠﻊ ﺭﺍﺳﻬﺎ ﻭﺗﺴﻠﻢ ﻟﻴﻬﻢ ???? ﺟﻨﺲ ﻋﻮﺍﺭﺓ ﻏﺎﻳﺘﻮﻭ

ﺍﻟﺘﻘﻮﻝ ﻡ ﻣﺎﺷﻴﻦ ﺣﺘﻪ ﻭﺍﺣﺪﻩ ..

ﺗﺎﻧﻲ ﻋﻤﺎﺭ ﻭﺍﺣﻤﺪ ﺑﺪﻭ ﻳﺘﺴﺎﺑﻘﻮ .. ﻭﺍﻟﺒﻨﺎﺕ ﺟﻨﺲ ﺻﺮﺍﺭﻳﺦ ... ﻏﺎﻳﺘﻮ ﺍﺳﻜﺘﻮ ﺑﺲ ???

ﻭﺑﻌﺪ ﺍﻟﺴﺒﺎﻗﺎﺕ ﻭﺍﻟﺼﺮﺍﺭﻳﺦ ﻭﺻﻠﻨﺎ ﺷﺎﺭﻉ ﺍﻟﻨﻴﻞ ????

ﺍﺍﺗﻤﺸﻴﻨﺎ ﻛﻞ ﻧﻔﺮﻳﻦ ﺳﻮﺍ .. ﺍﺣﻤﺪ ﻭﻧﺎﺯﻙ .. ﻭﻣﻲ ﻭﻣﻨﺬﺭ .. ﻭﺍﻧﺎ ﻭﻧﻤﺎﺭﻕ ﻭﻋﻤﺎﺭ ﺳﻮﺍ

ﺍﺗﻮﻧﺴﺴﺴﻨﺎ ﻛﺪﺍﺍﺍ .. ﺗﺎﻧﻲ ﻧﺰﻟﻨﺎ ﺍﻟﻨﻴﻞ ??? ﺭﻛﺒﻨﺎ ﺍﻟﻌﺒﺎﺭﺓ ??? ﻭﺍﻟﻠﻪ ﻛﺎﻥ ﻳﻮﻡ ﺳﻤﺢ ﺧﻼﺹ .. ﻭﺍﻷﺣﻠﻲ ﺍﻧﻮ ﺷﻤﺲ ﻣﺎﻑ ..

ﺍﻟﺰﻣﻦ ﺧﻼﺹ ﺭﻭﺡ ﻭﺍﻟﻌﺼﺮ ﺟﺎ .. ﻗﻠﻨﺎ ﻧﺮﺟﻊ ﺍﻟﺠﺎﻣﻌﻪ ﺑﻌﺪ ﺩﺍ

ﻭﻧﺤﻦ ﻣﺎﺷﻴﻦ ﻓﺠﺄﻩ ﻛﺪﻩ ﻣﻲ ﻗﺎﻟﺖ : ﺍﻟﺒﺼﻞ ﻣﺤﻞ ﺍﻟﻌﺮﺑﺎﺕ ﺍﻭﻝ ﻫﻮ ﺍﻟﻔﺎﺋﺰ ??

ﻋﻤﺎﺭ : ﻫﻮﻱ ﺩﻱ ﻋﻮﺍ ....

ﻗﺒﻞ ﻡ ﻳﺘﻢ ﻛﻼﻣﻮ ﻟﻘﺎﻧﺎ ﻛﻮﻟﻨﺎ ﺟﺎﺭﻳﻴﻦ ﻗﺪﺍﻣﻮ ..

ﻫﻮ ﺯﺍﺗﻮ ﺟﺮﺍ ... ﻭﻟﻐﺎﻳﺔ ﺳﺒﻘﻨﺎ ﺯﺍﺗﻮ ﺑﻲ ﺳﻜﺎﻛﺎﺗﻮ ﺍﻟﻄﻮﺍﻝ ﺩﻳﻞ ??????

ﺭﺟﻌﻨﺎ ﺍﻟﻌﺼﺮﻳﻪ ﻛﺪﻩ ..

ﻗﻌﺪﻧﺎ ﻓﻲ ﺍﻟﻨﺸﺎﻁ ﺷﻮﻳﻪ ..

ﻧﺎﺯﻙ : ﻫﻮﻱ ﻱ ﺟﻤﺎﻋﻪ ﻡ ﻧﺴﺘﻐﻨﻲ .. ﻟﻜﻦ ﻻﺯﻡ ﺍﻣﺸﻲ ﺍﻧﺎ ?..?

ﻛﻠﻨﺎ ﻗﻠﻨﺎ ﻧﺤﻦ ﺯﺍﺗﻨﺎ ﻣﺎﺷﻴﻦ ..

ﺍﻧﺎ ﺍﺗﺼﻠﺖ ﻉ ﺟﻮ ﻗﺎﻝ ﻫﻮ ﺯﺍﺗﻮ ﻗﺮﻳﺐ ﻣﻦ ﺍﻟﻤﺤﻞ ..

ﻭﻧﺤﻦ ﻣﺎﺷﻴﻦ ﻛﺪﻩ ﺍﻟﻤﺴﺠﻞ ﻧﺎﺩﺍﻧﻲ .. ?

ﻫﻢ ﻭﻗﻔﻮ ﻣﻌﺎﻱ ﻃﺒﻌﺂ .. ﺟﺎ ﻗﺎﻝ ﻟﻲ : ﺍﻟﺪﻛﺘﻮﺭ ﺑﺘﺎﻉ ﺍﻟﺮﻳﺎﺿﻴﺎﺕ ﻣﺘﻮﻓﺮ .. ﻭﺩﻱ ﻓﺮﺻﻪ ﻋﺸﺎﻥ ﻳﺪﻳﻚ ﺟﺰﺀ ﻣﻦ ﺍﻟﺸﻲ ﺍﻟﻔﺎﺗﻚ ???

ﻃﺒﻌﺂ ﻭﺍﺍﺍﻱ .. ﺍﺗﻐﺒﺘﻨﺎ ﻏﺒﻴﻨﻪ ﻓﻲ ﺍﻟﺪﻧﻴﺎ ﺩﻱ !!

ﻗﻠﺖ ﻟﻴﻬﻮ : ﺳﻤﺢ .. ﺟﺎﻳﻪ ﻭﺭﺍﻙ ☺

ﺑﻌﺪ ﻣﺸﻲ ﺍﺣﻤﺪ ﻗﺎﻝ : ﻭﺍﺍﺍﻋﻲ ﺍﻧﺎﺍ ????? ﺑﺎﻱ ﺑﺎﻱ ﻱ ﺣﻨﻮ

ﻛﻠﻬﻢ ﺿﺤﻜﻮ ﻓﻴﻨﻲ ???

.. ﻭﺩﻋﻮﻧﻲ ﻭﻣﺸﻮ ﺍﻫﻠﻬﻢ ..

ﻭﺍﻧﺎ ﻣﺸﻴﺖ ﻟﻠﺪﻛﺘﻮﺭ ???????

???

ﺍﻟﺴﺎﻋﻪ ﻛﺎﻧﺖ 6:34 ﺩﻗﻴﻘﻪ .. ﻃﻠﻌﺘﻪ ﻣﻦ ﺍﻟﺠﺎﻣﻌﻪ ..

ﻟﻘﻴﺖ ﻋﻮﺷﺮﻣﻴﺔ ﻣﻜﺎﻟﻤﻪ ﻣﻦ ﺟﻮ ..

ﻭﺍﻱ ﻟﻜﻦ ﺍﻧﺎ ﻧﺴﻴﺖ ﻡ ﻛﻠﻤﺘﻮ . ﺍﻧﻮ ﻋﻨﺪﻱ ﻣﺤﺎﺿﺮﺓ ???...? ﺍﻟﻠﻴﻠﻪ ﺑﻜﻮﻥ ﺷﻤﺎﻧﻲ ﺷﻤﻪ !!!

ﻃﻠﻌﺘﻪ ﺗﻠﻔﻮﻧﻲ ﻭﺍﺗﺼﻠﺘﻪ ﻋﻠﻴﻬﻮ ﺑﺲ ﺣﻠﻒ ﻛﻦ ﻳﺮﻓﻊ ..

ﻗﻠﺖ ﺧﻼﺹ ﺃﺃﺟﺮ ﻟﻲ ﺃﻣﺠﺎﺩ .. ﻋﺸﺎﻥ ﺍﻟﺰﻣﻦ ﻡ ﻳﺮﻭﺡ .

ﻭﺍﻗﻔﻪ ﻓﻲ ﺍﻟﻈﻠﻂ ﻭﻣﻌﻈﻤﻬﻢ ﺑﺠﻮ ﻣﻼﻧﺎﺕ .. ﻟﻐﺎﻳﻪ ﺍﻟﺴﺎﻋﻪ 7 ﺟﺎﺕ ﻡ ﺭﻛﺒﺘﻪ ..

ﻃﺒﻌﺂ ﺭﺍﺳﻲ ﺻﺪﻉ ﺗﺎﻧﻲ ﻭﺑﺪﺍ ﻳﻠﻒ ﻭﻳﺪﻭﺭ ﺑﻲ ...

ﻗﻌﺪﺗﻪ ﻓﻲ ﻣﺴﻄﺒﻪ ﻛﺪﻩ ﻭﺗﻜﻠﺘﻪ ﺭﺍﺳﻲ ﻭﻏﻤﻀﺘﻪ ﻋﻴﻮﻧﻲ ??????? ﻭﺍﻵﻟﻢ ﻣﻘﻄﻊ ﺣﻨﺎﻥ ﻗﻠﺒﻲ ﺣﺘﻪ ﺣﺘﻪ ??????????

ﺗﺎﻧﻲ ﺑﺪﻳﺖ ﺍﺭﻋﻒ ..?

ﻓﻲ ﻋﺮﺑﻴﻪ ﻭﻗﻔﺖ ﻗﺪﺍﻣﻲ ﻭﺳﺎﻣﻌﻪ ﺻﻮﺕ ﻛﺮﻋﻴﻦ ﺯﻭﻝ .. ﻗﺎﻝ ﻟﻲ : ﻣﻌﻠﻴﺶ ﻛﻨﺖ ﺑﻌﻴﺪ ﺷﻮﻳﻪ ..

ﻡ ﺭﺩﻳﺖ ﻟﻴﻬﻮ ﻭﺍﻟﺮﺅﻳﻪ ﻃﺸﺸﺖ ﺧﻼﺍﺍﺍﺹ ??

ﺟﻮ : ﺍﻟﻮﻭﻭ .. ﻫﻨﺎ ﻓﻲ ﺣﺪ ﺑﻴﺘﻜﻠﻢ ☝☹☹

ﻭﺑﺪﻝ ﻡ ﺃﺭﺩ ﻭﻗﻌﺖ ﺑﺲ ﻣﺴﻜﻨﻲ ..

ﺍﻟﻠﻬﻢ ﻡ ﺣﺴﻴﺖ ﺑﻲ ﺭﻭﺣﻲ ﺇﻻ ﻭﺍﻧﺎ ﻓﻲ ﺍﻟﻨﻘﺎﻟﻪ

ﻓﺘﺤﺘﻪ ﻋﻴﻮﻧﻲ ﻟﻘﻴﺖ ﺟﻮ ﻣﺎﺳﻚ ﻣﻌﺎﻫﻢ ﺑﻲ ﻳﺪ ﻭﺑﺎﻟﺘﺎﻧﻴﻪ ﻣﺎﺳﻚ ﺗﻠﻔﻮﻧﻮ ..

ﺍﻝ

ﺣﻤﺪ .. ﺍﻟﺤﻤﺪ ﻟﻠﻪ ﻭﺩﺍﻧﻲ ﺭﻭﻳﺎﻝ ﻛﻴﺮ .. ﻭﺟﺎ ﺩﻛﺘﻮﺭ ﻋﻤﺮ ?

ﺟﻮﻛﺮ ﻃﻠﻊ ﺑﺮﺓ ﺍﻟﻐﺮﻓﻪ ﻟﺪﻗﺎﻳﻖ ﻭﻗﺘﻬﺎ ﻗﻠﺖ ﻟﻲ ﺩﻛﺘﻮﺭ ﻋﻤﺮ : ﻟﻮ ﻓﻲ ﺧﻄﺮ ﻡ ﺗﻜﻠﻢ ﺃﻫﻠﻲ ﺍﺭﺟﻮﻙ ? ﻭﺧﺼﻮﺻﻲ ﺳﻮﺍﻗﻲ ?

ﻋﻤﺮ : ﺣﺎﺿﺮ ... ﺑﺲ ﻡ ﺗﺨﺎﻓﻲ .. ﺣﻴﻌﻤﻠﻮ ﻟﻴﻚ ﺻﻮﺭﺓ ﺃﺷﻌﻪ ﻫﺴﻊ ﻭﺍﻃﻤﻨﻚ ﺑﻲ ﻧﻔﺴﻲ ..

???

ﺑﻌﺪ ﻋﻤﻠﻮ ﻟﻲ ﺍﻟﺼﻮﺭﺓ ﻭﻛﺪﻩ .. ﻓﺘﺤﺖ ﻟﻘﻴﺖ ﺍﻣﻲ ﻭﺍﺑﻮﻱ ﻭﻣﻌﺎﻫﻢ ﻣﺎﻣﺎ ﻣﺮﻳﻢ .. ﺳﺄﻟﻮﻧﻲ ﺣﺎﺳﻪ ﺑﻴﺸﻨﻮ ﻭﻫﺴﻊ ﻛﻴﻒ

ﻭ ..

ﻭ .. ﻛﻼﻡ ﻛﺘﻴﺮ

ﻗﻠﺖ ﻟﻴﻬﻢ ﻡ ﻳﺨﺎﻓﻮ ﺍﻧﺎ ﻛﻮﻳﺴﻪ

ﻃﺒﻌﺂ ﻻﺣﻈﺘﻪ ﺍﻧﻮ ﺟﻮ ﻣﺎﻓﻲ ..? ﺑﺲ ﻡ ﺍﺷﺘﻐﻠﺘﻪ ﺑﺎﻟﻤﻮﺿﻮﻉ

ﺑﻌﺪ ﺷﻮﻳﻪ ﺩﻛﺘﻮﺭ ﻋﻤﺮ ﺟﺎ ﻭﻗﺎﻝ ﻟﻴﻬﻢ ﻳﺨﻠﻮﻧﻲ ﺍﺭﺗﺎﺡ ..

ﺑﻌﺪ ﻃﻠﻌﻮ .. ﺳﻜﺖ ﻣﺴﺴﺴﺎﻓﻪ .. ﻭﻓﺘﺢ ﺍﻟﻈﺮﻑ ﺑﺘﺎﻉ ﺍﻟﺼﻮﺭﺓ .. ﻭﻋﺎﻳﻦ ﻟﻲ : ﺍﻧﺘﻲ ﻋﺎﻭﺯﻩ ﺗﻤﻮﺗﻲ ﻧﻔﺴﻚ ؟

❣❣❣

# ﺭﺷﺎ _ ﺗﺤﻜﻲ

ﻃﺎﺭﻕ ﻋﻤﻞ ﺑﻠﺒﻠﻪ ﻭﻗﺎﻝ ﺇﺍﻻ ﻳﺴﺘﻌﺠﻠﻮ ﻑ ﺍﻟﻌﺮﺱ .. ﻭﻗﺖ ﺳﺄﻟﻮﻫﻮ ﻋﻦ ﺍﻟﺴﺒﺐ ﻡ ﻛﺎﻥ ﻋﻨﺪﻭ ﺟﻮﺍﺏ ﻣﺤﺪﺩ ..

ﻋﺸﺎﻥ ﻛﺪﻩ ﺳﻌﺎﺩ ﺃﺻﺮﺕ ﺍﻧﻮ ﺭﺷﺎ ﺗﺘﺤﺒﺲ ﻋﻨﺪﻫﺎ .. ﻭ ﻭﻗﺖ ﻃﺎﺭﻕ ﺭﻓﺾ ﻃﻮﺍﻟﻲ ﺯﻋﻠﺖ ..

ﻡ ﻟﻘﻲ ﻏﻴﺮ ﺍﻧﻮ ﻳﻮﺍﻓﻖ ..

ﺭﺷﺎ ﻛﺎﻧﺖ ﻑ ﺍﻟﻤﻄﺒﺦ ﻓﻲ ﺑﻴﺖ ﺳﻌﺎﺩ .. ﺑﺘﺠﻬﺰ ﻟﻲ ﻧﻴﻨﻪ ﺍﻟﻠﺒﻦ .. ﻛﺎﻧﺖ ﺷﺎﻳﻼﻫﺎ ﻭﻫﻲ ﺑﺘﺒﺮﺩ ﺍﻟﻠﺒﻦ ﻭﺑﺘﻐﻨﻲ ﻟﻴﻬﺎ

ﺣﺴﺖ ﺑﻲ ﺣﺪ ﻭﺭﺍﻫﺎ ??

ﻭﺑﻲ ﺻﻮﺕ ﺍﻧﻔﺎﺱ ﺳﺨﻨﻨﻨﻨﻪ ﻓﻲ ﺭﻗﺒﺘﻬﺎ ..

ﺍﺗﺨﻠﻌﺖ ﻃﺒﻌﺂ ﻭﺍﻟﺘﻔﺘﺖ ﺑﺴﺮﻋﻪ ﻟﻘﺘﻮ ﺩﺍ # ﻋﻼﺀ _ ﺍﻟﺰﻓﺖ ???

ﺭﺷﺎ : ﺍ ﺍ ﺍﻣﻚ ﻑ ﻑ ﻏﺮﻓﺘﻬﺎ ﻟﻮ ﻋﺎﻳﺬﻫﺎ ?

ﻋﻼﺀ : ﻻﻻ ﻡ ﻋﺎﻳﺬ ﺍﻣﻲ ?

ﺍﻧﺎ ﻋﺎﻳﺬ ...

ﻃﻮﺍﻟﻲ ﺭﺟﻌﺖ ﻣﻨﻮ ﻭﺭﺍ ...?? ﻗﺎﻝ ﻋﺎﻳﺬ ﺍﺷﺮﺏ ﻣﻮﻳﻪ .

ﺃﺷﺮﺕ ﻟﻴﻬﻮ ﺑﺄﺻﺒﻌﻬﺎ ﺍﺗﺠﺎﻩ ﺍﻟﺘﻼﺟﻪ .. ﻗﺎﻡ ﺿﺤﻚ ﺻﺤﻜﻪ ﺧﺒﻴﺜﻪ ﻭﻓﺘﺢ ﺍﻟﺘﻼﺟﻪ ﺷﺎﻝ ﻣﻮﻳﻪ ﻭﻣﺸﻲ ﻏﺮﻓﺘﻮ ..

ﻗﻠﺒﻬﺎ ﻛﺎﻥ ﻗﻌﺪ ﻳﺪﻕ .. ﻭﻗﺎﻟﺖ ﺍﻟﻠﻪ ﻳﺴﺘﺮ ﻣﻦ ﻋﻼﺀ ﺩﺍ ???..

.. ﻋﻼﺀ ﻓﻲ ﻏﺮﻓﺘﻮ ﺟﻬﺰ ﺧﻄﺔ ﻇﺎﺑﺘﻪ ﺗﺠﻴﺐ ﻟﻴﻬﻮ # ﺭﺷﺎ ﺗﺤﺖ ﺭﺟﻠﻮ ??...

ﻡ ﻣﻌﺮﻭﻑ ﺣﻴﻌﻤﻞ ﺷﻨﻮ ﺍﻟﺰﻓﺖ ﺩﺍ

ﻃﺎﺭﻕ ﻭﻫﻮ ﺑﻘﻔﻞ ﻓﻲ ﺍﻟﺼﻴﺪﻟﻴﻪ ﺟﺎﻫﻮ ﺭﺍﺟﻞ .. ﻣﻦ ﺷﻜﻠﻮ ﻛﺪﻩ ﺯﻭﻝ ﻣﻬﻨﺪﻡ ??

ﻗﺎﻝ ﻟﻴﻬﻮ : ﺩ . ﻃﺎﺭﻕ ﻋﺒﺪ ﺍﻟﺤﻔﻴﻆ؟

ﻃﺎﺭﻕ : ﺍﻱ ﺍﻧﺎ .. ﺍﺗﻔﻀﻞ ﻣﻨﻮ ﺍﻧﺖ؟

ﺍﻟﺸﺎﺏ : ﺍﻧﺎ ﺍﻟﻤﺤﺎﻣﻲ ﻣﺘﻮﻛﻞ ﺩﻓﻊ ﻟﻠﻪ ..

ﻃﺎﺭﻕ ﺍﺗﻔﺎﺟﺄ ﻣﺤﺎﻣﻲ ﺷﻨﻮ ﻛﻤﺎﻥ ..

ﻣﺘﻮﻛﻞ : ﺍﻟﻜﻼﻡ ﺩﺍ ﻡ ﺑﻨﻔﻊ ﻫﻨﺎ .. ﺑﺲ ﺑﻲ ﺇﺧﺘﺼﺎﺭ ﺍﻧﺎ ﺟﺎﻱ ﻣﻦ ﻃﺮﻑ ﺍﺣﻤﺪ ﻛﺮﻡ .. ﺷﻘﻴﻖ ﻋﺎﺋﺸﻪ ﻛﺮﻡ ﺍﻣﻬﺎ ﻟﻲ ﺯﻭﺟﺘﻚ ﻋﻔﺎﻑ ﺍﻟﻤﺤﺮﻭﻣﻪ .

ﺍﺣﻤﺪ ﺍﺑﻮﻫﻮ ﺍﺗﻮﻓﻲ ﻣﻦ ﺷﻬﺮ .. ﻭﻃﻠﻊ ﺍﻟﻤﻴﺮﺍﺙ ﺍﻟﻤﺸﺘﺮﻛﻴﻦ ﻓﻴﻬﻮ ﻫﻮ ﻭﻋﺎﺋﺸﻪ .. ﻭﺯﻱ ﻡ ﻋﺎﺭﻑ ﺍﻧﻮ ﻋﺎﺋﺸﻪ ﻣﺘﻮﻓﻴﻪ .. ﻭﺑﺎﻟﺘﺎﻟﻲ ﺍﻟﻤﻴﺮﺍﺙ ﺣﻴﺠﻲ ﻟﻲ ﺑﺘﻬﺎ ﻋﻔﺎﻑ ﻻﻧﻬﺎ ﻭﺍﺣﺪﻩ ..

ﻭﺯﻭﺟﺘﻚ ﻣﺘﻮﻓﻴﻪ .. ﻓﺒﺎﻟﺘﺎﻟﻲ ﺍﻟﻤﻴﺮﺍﺙ ﺣﻴﻜﻮﻥ ﻟﻴﻚ ﻭﻟﻲ ﺑﻨﺎﺗﻬﺎ .. ﻃﺒﻌﺂ ﺍﻟﺤﻜﺎﻳﻪ ﺟﺎﻳﻄﻪ .. ﻋﺸﺎﻥ ﻛﺪﻩ ﺑﻌﺪ ﺑﻜﺮﺓ ﺗﺸﺮﻓﻨﺎ ﻓﻲ ﺍﻟﻤﺤﻜﻤﻪ ..

ﻭﻧﺎﻭﻟﻮ ﻭﺭﻗﻪ ﻭﻗﺎﻝ : ﺭﻗﻤﻲ ﻭﻋﻨﻮﺍﻧﻲ ..

ﻭﻣﺸﻲ ﺧﻼ ﻃﺎﺭﻕ ﻓﺎﺗﺢ ﺧﺸﻤﻮ ﺯﻱ ﺍﻷﻫﺒﻞ ?????