Panaginip lang ito, di ba? Paulit-ulit iyong tanong ni Aleona sa sarili habang tinitingnan ang katawan ng mama niya sa loob ng puting kabaong nito. Hindi pa patay si Mama, di ba?
“Aleona…” narinig na lang ng dalaga na pagtawag sa kanya. It was her aunt who spoke. Kahit wala pa itong sinasabi, alam na niya kung ano ang nais nitong iparating. Ililibing na kasi ang mama niya, at tinitingnan niya sa huling pagkakataon ang mukha nito.
“Wait lang, Tita. Last minute po,” pakiusap niya kasunod ng muling pag-ayos ng luha niya.
Kung sino man ang nag-ayos sa ina niya, pupuriin iyon ni Aleona. Sa kabila kasi ng mga kulubot at eyebags nito, nangibabaw pa rin ang tinataglay na ganda ng kanyang ina. Magkamukha talaga sila. They have the same cheek bone and nose structure.
Naramdaman niyang humawak an
