┈┈┈┈◦•✩•◦┈┈┈┈
Hindi mawala ang malaking ngiti sa labi ni Hannah. Kahit ilang oras na ang lumipas mula nang marinig niya ang usapan ng mga field agents ni Owen sa ibaba, pakiramdam niya ay dala-dala pa rin niya ang saya ng mga sandaling iyon. Habang nakahiga siya sa kama at nakatitig sa kisame ng silid niya, paulit-ulit na bumabalik sa isipan niya ang pang-aasar nina Angel, Wena, at ng iba pang miyembro ng team ni Owen. Hindi niya inaasahang maririnig niya ang ganuong klase ng biruan, lalo na kay Owen. Mas ikinagulat pa niya na sa halip na magalit o pagsabihan ang mga ito, hinayaan lamang niya ang pang-aasar ng buong grupo. Oo, napipikon siya, pero hindi iyon ang Owen na alam niyang may matinding galit sa kaniya. The old Owen would've shut the conversation down in seconds. Hindi ito ang k
