Kabanata 42
Walang inaksayang oras sina Peter at Kinro. Agad silang naghanda para sa paghahanap nila kay Dimitri. Alam nilang hindi magtatagal at may darating din silang mga panauhin na gusto siyang kunin kaya gagawin nila iyong pagkakataon para malaman kung nasaan ang titan.
“Sigurado ka na ba?” tanong ni Kinro. “Hindi natin alam kung paano natin haharapin ang grupo nina Dimitri nang tayong dalawa lang. Kaya nating labanan ang hellhound na sumugod sa ‘yo noon pero paano kung marami silang hellhound? Kahit gaano kapositibo ang isipin ko, imposible talaga.”
Sinukbit ni Peter sa kaniyang likuran ang isang bag na naglalaman ng mga bote ng emosyon at ilang mga patalim na maaari niyang kailanganin. Naroon din ang regalo sa kaniya ni Merlin. Mayroon na ring espada sa kaniyang tagiliran gaya n
