قضيةقتلجوزي
كنت وقفة بثبات ودموعي صلبة في
عنيا، رفضة تنزل وجسمي كله متخشب رفضة اصدق اللي انا شايفاه،
معقول أنا وقفة قدام جثة جوزي،
وامتي في عيد جوازنا،
بداءت اتنفض وكاني في زلزال في جسمي كل ماقرب مع الجثة قلبي يرتجف،
سمعت اخوه بيبكي ويقوله ليه سبتي عا** أنا ماليش غيرك،
صرخت فيه وقولتله اسكت ده مش عا** ده حد شبه،
عا** راح يجبلي هدية ويحجز لنا في شرم هنقضي اسبوع عسل من جديد،
الظابط قالي اهدي يامدام من فضلك اتاكدي لان اقوالك هتتسجل في محضر رسمي ،
دخل اخوه التاني اللي جه من البلد وقال ده عا** اخويا ،
ولو مش مصدقين نعمل تحليل DNA
مراته مش مستوعبه من الصدمة،
بصتلهم بعيون كلها رجاء يمكن اصعب عليهم ويقولوا أنه مش هو،
لكن قسوة قلوبهم خلتهم قالوا وعنيهم في عنيا جوزك مات ،
اللي كان ليكي سابك ومات،
يعني منشفش وشك في البلد تاني،
فاجاة صرخت ب لاء والدنيا سكتت من حوليا ووقعت من طولي،
