Hindi pa rin tumitigil sa pagkabog ang puso ni Avery nang makalabas siya ng kotse ni Ken. Nanlalamig ang kaniyang mga kamay at hindi niya alam kung bakit siya balisa. Hindi naman siya ikakasal para makaramdam ng wedding jitters. Napailing na lang siya sa kaniyang sarili.
"Friend, I am so happy for you." Napakunot ang noo niya nang makita ang kaibigan na naluluhang nakatitig sa kaniya.
''Bakit ang drama mo riyan, bruha? Hindi naman ako ikakasal!" Natatawang napailing siya sa inaasta ng kaibigan niya ngayon.
"Best wishes, bruha. Mauna na kami sa iyo, a?"
"Best wishes for the both of you, Avery."
Napanganga siya dahil iniwan lang siya ng mga ito sa labas ng restaurant. Ano ito? Lokohan?
"Hoy! Saan kayo pupunta! Ibigay ninyo ito sa bride!" Pinakita niya sa mga ito ang hawak niyang bulakl
