Kanina pa tinatawagan ni Zeo si Avery pero hindi pa rin nito sinasagot ang tawag niya. Kasalanan naman kasi niya kung bakit galit ito sa kaniya hanggang ngayon. Ayaw naman kasi niyang magtatrabaho ito dahil nagbubuntis ito sa magiging baby nila. Ayaw niyang makitang nahihirapan si Avery pero hindi naman ito nagpapigil sa kaniya dahil gusto pa rin nitong magtrabaho sa sarili nitong kompanya. Hindi talaga siya mapakali kapag nagtatampo ito o 'di kaya ay galit sa kaniya dahil ayaw niyang lumipas ang araw na hindi sila nag-uusap.
Napahilamos na lang siya sa kaniyang mukha nang pinatayan na naman siya nito ng tawag. Ganito ba kalaki ang kagalit sa kaniya ng dalaga para bagsakan siya nito ng telepono sa bahay nito? Nakakainis na talaga ang pagiging matampuhin nito. Hindi niya maintindihan ang
