Mia's POV
"WALA bang alam ang pasiyente tungkol dito?"
"Ngayon ko lang din po nalaman, Doc."
Kumunot ang aking noo dahil sa mga bagay na aking naririnig. Ramdam ko ang malambot na kama na aking hinihigaan at sa amoy palang ng paligid, alam kong nasa ospital ako.
Marahan kong minulat ang talukap ng aking mga mata, dahilan upang makuha ko ang pansin ng mga tao sa paligid.
"Mia, mabuti naman at gising ka na," nag-aalalang wika ni nanay saka siya tumakbo at lumapit sa aking kinaroroonan at iniwan ang doktor na kaharap niya kanina.
"N-Nanay," hirap kong wika.
"Mia."
Napalingon ako 'di kalayuan sa aking kinaroroonan nang marinig ang tinig ni Marvin. Marahan kong ginalaw ang aking katawan at dahan-dahang umupo at sinandal ang ulo sa headboard ng kama.
"A-Anong ginagawa mo rito?" tanong k
