AGATHA
Malaki, mataas at heavily guarded ang ilang palapag na building kung saan tumigil ang sasakyang sinasakyan namin ni Draven. Wala pa rin siyang kibo na inaayos ang gusot na damit katabi ko bago walang pakialam na basta na lang bumaba.
Agad na sumunod naman ako nang pagbuksan ng tauhan niya ng pintuan. Walang hiyang Draven, hindi man lang ako hinintay at basta na lang naglakad palayo kaya para tuloy akong alalay na nakasunod sa kanya.
"Good evening, boss," magalang na salubong at bati ng nadatnan na armadong tauhan ni Draven, na agad sumalubong sa kanya ng makita siyang bumaba sa sasakyan.
Hindi man lang nito binati pabalik ang pobreng lalaki, ang sungit talaga niya. Parang walang narinig na kahit ano at basta na lang naglakad papasok sa malaking building at hindi man lang lumingo
