AGATHA
Naiwan akong tulala at sisinghap-singhap. Hanggang ngayon, nagugulat pa rin ako sa biglang kilos ni Draven, lalo na ang basta na lang niya panghahalik sa akin.
Kahit hirap tumayo ng tuwid at i-balance ang katawan dahil ramdam ko ang labis na kirot na dumadaloy sa binti ko sa tuwing igagalaw ko ang paa ko ay sinikap kong maligo ng mabilis, dahil baka kapag nagtagal ako ay pagalitan na naman niya ako.
Simula ng dalhin ako ni Draven dito sa bahay niya, ito ang unang gabi na makakatabi ko siya sa kama. Kinakabahan talaga ako ng husto at urong-sulong na lumabas sa banyo.
Abot-abot ang malakas na kabog sa dibdib, habang nagbibihis ako. Ang dami kasing pumasok na kung ano-anong ideya sa isip ko at hindi ito nakatulong sa kasalukuyang sitwasyon ko.
Nag-iwas ako ng tingin kay Draven n
