DRAVEN
Ramdam ko ang tensyon ng mga tauhang nadatnan ko ngayong pumasok ako sa loob ng base ng organisasyon na pinamumunuan ko. Lahat ay nakayuko at takot mag-angat ng ulo na para bang lahat sila, hindi gugustuhin na makita ng mga mata ko.
"Good morning, boss," magalang na bati sa akin ng mga nakayukong tauhan ko.
"Welcome back, boss."
Nanatiling seryoso lamang ang ekspresyon ng mukha ko at walang kinausap kahit isa sa kanila. Nilagpasan ko ang lahat at mabilis na tinungo ang underground kung saan naroon ang kulungan ng mga taong magkahiwalay na nakakulong at siyang pakay ko.
May hinala akong konektado ang dalawang babaeng nakakulong dito, kaya bago ko pa harapin si Agatha, kailangan ko munang malaman ang totoo mula sa kanila.
"Handa na po ang lahat, boss," sabi ni Brady na siyang
