AGATHA
Magaan ang pakiramdam at masakit ang ulo ang naramdaman ko ng magising ako at muling nagkamalay. Madilim ang lugar kung saan ako nagising at tanging ang malamlam na ilaw mula sa lampshade ang tanging tanglaw, pero sigurado akong hindi ito ang silid ko.
Sapo ang ulo na bumangon ako. Kahit nanghihina at nahihilo, pinilit kong maglakad palapit sa pintuan, pero nanlumo ako na hindi ko ito mabuksan dahil naka-lock mula sa labas para siguro hindi ako makatakas.
Bumaha ang liwanag sa lugar na kinaroroonan ng buksan ko ang switch ng ilaw. Sinuyod ng mga mata ko ang kabuuan ng silid, habang nakatayo ako sa gitna at binalikan sa isipan ko kung anong nangyari bago ako napunta dito sa lugar na kinaroroonan ko.
Lumapit ako sa mahaba at malapad na kurtina at hinawi ito. Makapal na salamin ang
