AGATHA
Nag-iinit ang mukha habang mabilis na nagbibihis ako, suot ang damit na inihanda ni Draven para sa akin na nakita ko dito sa ibabaw ng kama.
Nauna na akong lumabas sa kanya, dahil naliligo pa siya. Abala ako sa pagsusuklay ng mahabang buhok ko na itinali ko paitaas para hindi kumalat sa mukha ko at bumagay sa semi formal na damit na suot ko.
Malakas na kumakabog sa kaba ang dibdib ko ng marinig kong tumunog ang buzzer sa labas. Mukhang may kailangan ang tauhan ni Draven, kaya mabilis na tinungo ko ang pintuan at walang pagdadalawang-isip na binuksan.
"Good afternoon po, sino po kayo?" magalang na bati ko sa dalawang taong bumungad sa akin sa labas ng pintuan at nadatnan kong naghihintay.
"Ah, hija. Si Draven, nasa loob ba?" malumanay na tanong sa akin ng isang magandang babae
