AGATHA
"Ang aga mo naman pumasok." Nilingon ko si Theresa na umupo sa tabi ko. Gusto ko sanang sabihin sa kanya ang mga nalaman ko, pero hindi ko maiwasan na huwag matakot, lalo na at hindi ko kilala kung sino ang tanim na spy ni Sir Villanueva sa kampo ni Draven.
"Maaga kasi akong nagising. Nag-research muna ako sa library kanina, para hindi ako mahuli sa lesson natin," kinakabahan na sagot ko kay Theresa.
Ang bigat pala sa dibdib kapag ganitong maraming iniisip at wala akong p'wedeng pagsabihan ng problema. Sobrang na-mi-miss ko na si Draven. Kung sana hindi siya nakakulong ngayon, 'di sana ay sa kanya ako magtatanong ng mga bagay na may kaugnayan sa pamilya San Francisco at kung ano talaga ang totoong nangyari sa kanila.
Ang hirap mag-pokus sa bawat subject na pinasukan ko maghapon
