AGATHA
Umalis si Draven para pumasok sa opisina niya nang hindi ko kinakausap. Lumapit naman siya sa akin kanina at nagpaalam na aalis na, pero inirapan ko lang. Hindi ko talaga siya kinibo at pinili ang mag-talukbong ng kumot.
Mabilis na bumaba ako sa kama ng makaalis siya at tinawagan si Theresa. "Ano na ang balita sa lakad mo?" agad na tanong ko, matapos siyang kumustahin at tanungin kung nasaan siya.
"Papasok ako sa club kung saan siya malimit pumunta, kasama ang mga bodyguard niya mamayang gabi," sagot ni Theresa na humina bigla ang tinig.
Naintindihan ko naman dahil narinig kong may bumukas na pintuan sa background. Ayaw ko rin na may kahit anong information ang mag-leak kaya hindi na ako nagtanong pa sa kanya.
"See you, next week. Malapit nang magsimula ang pasukan," pag-iiba
