AGATHA
Kulang na lang ay halukayin ko ang sikmura ko dahil puro tubig na lang ang lumalabas kapag nagsusuka ako. Hindi na rin nakatiis ang kasama ko, kaya lumapit na sa akin at kinausap ako.
"Ma'am, sandali po, tatawagan ko po si sir para madala ka sa hospital," sabi ni Yenah nang makitang nanghihina ako at panay ang pagsusuka.
"Huwag na, alisin mo lang ang tray na nasa mesa," sagot ko. Kahit tawagan niya si Draven, hindi niya makakausap ang lalaking iyon, dahil naiwan sa silid namin ang cellphone na gamit niya.
Saglit na nawala si Yenah at sinabing ginawa na raw niya ang sinabi ko, kaya p'wede na akong bumalik sa upuan ko. Inalalayan pa niya ako pabalik, hanggang sa narating namin ang mesa.
"P'wede mo ba akong ipagluto ng pritong hotdog?" nanghihina na tanong ko kay Yenah. Ito kasi
