Hindi ko alam kung anong nangyari sa kanya, pero pabor sa akin ang na wala siya. Habang hindi pa umuuwi dito sa mansion si Draven, tinuruan ako ni Doris nang tamang pananamit, pagsasalita at pagkilos sa loob ng bahay.
Mas nakakapagod, dahil maghapon kong suot ang mataas na takong ng sapatos dahil gusto raw ni Draven na matuto akong kumilos ayon sa estado niya sa buhay. Sabi pa ng kasama ko, maraming pagkakataon na haharap umano ako sa mayayaman na kaibigan at kapamilya ng lalaking pakakasalan ko.
Isipin ko pa lang na gano'n ay kinakabahan na ako. Kahit ayaw ko sa sitwasyon ko ay pinagbuti ko ang ginagawa ko. Masungit at strict si Doris na kapag nagkamali ako ay binibigyan niya agad ng parusa.
"Walang puwang sa organisasyon ang pagkakamali, Agatha. Makinig kang mabuti at unawain mo ang
